കാസര്‍കോട്: പൊലീസ് വാഹന പരിശോധന നടത്തുന്നതിനിടയില്‍ എം.ഡി.എം.എയുമായി സ്‌കൂട്ടര്‍ യാത്രക്കാരന്‍ പിടിയില്‍. ആദൂര്‍ പൊലീസ് സ്റ്റേഷന്‍ പരിധിയിലെ അഷ്റഫ് (44) ആണ് അറസ്റ്റിലായത്. ചൊവ്വാഴ്ച രാത്രി 9.45 മണിയോടെ ഉളിയത്തടുക്ക റോഡില്‍ പാറക്കട്ട ജംഗ്ഷന് സമീപം നടന്ന പരിശോധനയിലാണ് പൊലീസ് ഇയാളെ പിടികൂടിയത്. താല്‍ക്കാലിക രജിസ്‌ട്രേഷന്‍ നമ്പര്‍ പതിച്ച സ്‌കൂട്ടറില്‍ എത്തിയതായിരുന്നു പ്രതി. ഇയാളില്‍ നിന്ന് 30.22 ഗ്രാം എം.ഡി.എം.എയും 13,300 രൂപയും പൊലീസ് കണ്ടെടുത്തു. നാര്‍കോട്ടിക് ഡ്രഗ്‌സ് ആന്റ് സൈകോട്രോപിക് സബ്സ്റ്റന്‍സസ് നിയമത്തിലെ 22 (സി) വകുപ്പ് പ്രകാരം കേസെടുത്താണ് അഷ്‌റഫിനെ അറസ്റ്റു ചെയ്തത്. കാസര്‍കോട് ടൗണ്‍ എസ്.ഐ എം.പി പ്രദീഷ് കുമാര്‍, സി.പി.ഒ രാകേഷ് വിയവി, ഡ്രൈവര്‍ സി.പിഒ ഉണ്ണികൃഷ്ണന്‍ എന്നിവരടങ്ങിയ സംഘമാണ് മയക്കുമരുന്ന് വേട്ട നടത്തിയത്.
Post a Comment
0 Comments