കാസര്‍കോട്: എടനീര്‍ വിഷ്ണുമംഗലം ക്ഷേത്രം കുത്തിത്തുറന്നു കവര്‍ച്ച നടത്തിയ കേസില്‍ ഒരാള്‍ കൂടി അറസ്റ്റില്‍. ഉള്ളാള്‍ ദര്‍ഗയ്ക്കു സമീപത്തെ മുഹമ്മദ് ഫൈസല്‍ എന്ന ഫൈസ(36)ലിനെയാണ് വിദ്യാനഗര്‍ എസ്.ഐ വി. രാമകൃഷ്ണന്റെ നേതൃത്വത്തില്‍ അറസ്റ്റു ചെയ്തത്. ഇയാള്‍ക്കെതിരെ മഞ്ചേശ്വരം, ബദിയഡുക്ക തുടങ്ങി വിവിധ സ്റ്റേഷനുകളിലായി 17ല്‍പ്പരം കവര്‍ച്ചാ കേസുകള്‍ ഉള്ളതായി പൊലീസ് പറഞ്ഞു.<യൃ>നവംബര്‍ മൂന്നിന് രാത്രിയിലാണ് എടനീര്‍ മഠത്തിനു കീഴിലുള്ള വിഷ്ണുമംഗലം ക്ഷേത്രത്തില്‍ കവര്‍ച്ച നടന്നത്. നീല നിറത്തിലുള്ള ആള്‍ട്ടോ കാറിലെത്തിയ സംഘം ക്ഷേത്രത്തിന്റെ വാതില്‍ കുത്തിത്തുറന്ന് അകത്ത് കടന്നാണ് കവര്‍ച്ച നടത്തിയത്. കവര്‍ച്ചക്കാര്‍ എത്തിയ കാര്‍ മുഹമ്മദ് ഫൈസലില്‍ നിന്നു കണ്ടെടുത്തതായി പൊലീസ് പറഞ്ഞു. കേസിലെ മുഖ്യപ്രതിയായ പുത്തൂര്‍ കഡബയിലെ ഇബ്രാഹിം കലന്തറി(45)നെ നേരത്തെ ബദിയഡുക്ക പൊലീസ് അറസ്റ്റു ചെയ്തിരുന്നു. ഇയാളില്‍ നിന്നാണ് ഫൈസലിനെ കുറിച്ചുള്ള വിവരം ലഭിച്ചതെന്നു പൊലീസ് പറഞ്ഞു. ഇബ്രാഹിം കലന്തറും സംഘവുമാണ് മാന്യ അയ്യപ്പമന്ദിരത്തിലും പൊയ്നാച്ചി അയ്യപ്പ ക്ഷേത്രത്തിലും കവര്‍ച്ച നടത്തിയതെന്നു നേരത്തെ വ്യക്തമായിരുന്നു.
Post a Comment
0 Comments