കണ്ണൂര്: കണ്ണൂര് എഡിഎം നവീന് ബാബുവിനെ പള്ളിക്കുന്നിലെ വീട്ടില് തൂങ്ങിമരിച്ച നിലയില് കണ്ടെത്തി. എഡിഎമ്മിനെതിരെ യാത്രയയപ്പ് യോഗത്തില് അഴിമതി ആക്ഷേപം ഉയര്ന്നിരുന്നു. ഇന്നലെയാണ് ജില്ലാ പഞ്ചായത്ത് പ്രസിഡന്റ് പി പി ദിവ്യ ആരോപണവുമായി രംഗത്തെത്തിയത്. കണ്ണൂരില് നിന്നും സ്വന്തം നാടായ പത്തനംതിട്ടയിലേക്ക് ട്രാന്സ്ഫര് ലഭിച്ച എഡിഎം ഇന്നു പത്തനംതിട്ടയിലേക്ക് ട്രെയിനില് ജോലിക്ക് പോകേണ്ടതായിരുന്നു. എന്നാല് ഇന്ന് രാവിലത്തെ ട്രെയിനില് കയറിയില്ലെന്ന് കണ്ട് ബന്ധുക്കള് കണ്ണൂരില് വിവരമറിയിക്കുകയായിരുന്നു. താമസ സ്ഥലത്ത് പരിശോധിച്ചപ്പോഴാണ് വീട്ടില് തൂങ്ങിയ നിലയില് കണ്ടെത്തിയത്.
ഇന്നലെ എഡിഎമ്മിന്റെ യാത്രയയപ്പ് യോഗത്തില് വെച്ചാണ് ക്ഷണിക്കാതെയെത്തിയ കണ്ണൂര് ജില്ലാ പഞ്ചായത്ത് പ്രസിഡന്റ് പിപി ദിവ്യ അഴിമതി ആരോപണമുന്നയിച്ചത്. ഇതില് മനംനൊന്താണ് ജീവനൊടുക്കിയതെന്നാണ് വിവരം. താന് ശുപാര്ശ ചെയ്തിട്ടും നടക്കാത്ത കാര്യം പിന്നീട് മറ്റൊരാളുടെ ശുപാര്ശയില് നടന്നതിലെ എതിര്പ്പാണ് ജില്ലാ പഞ്ചായത്ത് പ്രസിഡന്റ് കാണിച്ചതെന്നാണ് വിമര്ശനം.
Post a Comment
0 Comments