ഇടുക്കി ജില്ലയില്‍ തുടരുന്ന കനത്ത മഴയെ തുടര്‍ന്ന് വീടിന് മുകളില്‍ മണ്ണിടിഞ്ഞുവീണ് വീട്ടമ്മ മരിച്ചു. മൂന്നാര്‍ എംജി കോളനിയില്‍ മാലയാണ് മരിച്ചത്. വൈകുന്നേരം അഞ്ച് മണിയോടെയായിരുന്നു അപകടം സംഭവിച്ചത്. സംഭവ സമയം മാല മാത്രമായിരുന്നു വീട്ടിലുണ്ടായിരുന്നത്. മാലയുടെ മകന്‍ സ്‌കൂള്‍ വിട്ട് വീട്ടിലെത്തിയ സമയത്താണ് അപകടം നടന്നത്.
അടുക്കള ഭാഗത്തെ മണ്ണിടിഞ്ഞ് വീണതിനെ തുടര്‍ന്ന് മാലയുടെ മകന്‍ വീടിന് പുറത്തേക്കിറങ്ങി ഓടുകയായിരുന്നു. തുടര്‍ന്ന് അഗ്നിശമന സേനയും നാട്ടുകാരും ചേര്‍ന്ന് നടത്തിയ രക്ഷാപ്രവര്‍ത്തനത്തിലാണ് മാലയെ പുറത്തെടുത്തത്. ഉടന്‍തന്നെ മാലയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
Post a Comment
0 Comments