തിരുവനന്തപുരം: അമിത വേഗത്തില്‍ ഓടിച്ച കാര്‍ ഇടിച്ചു ബൈക്ക് യാത്രക്കാരനു പരിക്കേറ്റ കേസില്‍ നടന്‍ സുരാജ് വെഞ്ഞാറമൂടിന്റെ ഡ്രൈവിങ് ലൈസന്‍സ് സസ്പെന്ഡ് ചെയ്യാനൊരുങ്ങി മോട്ടോര്‍ വാഹന വകുപ്പ്. ലൈസന്‍സ് സസ്പെന്ഡ് ചെയ്യാതിരിക്കാന്‍ കാരണം കാണിക്കണമെന്ന് കാട്ടി മോട്ടോര്‍ വാഹന വകുപ്പ് മൂന്നു തവണ നോട്ടീസ് നല്‍കിയിട്ടും സുരാജ് പ്രതികരിക്കാത്ത സാഹചര്യത്തിലാണിത് നടപടി. കഴിഞ്ഞ ജൂലൈ 29 ന് രാത്രി തമ്മനം-കാരണക്കോടം റോഡിലായിരുന്നു അപകടം. സുരാജ് ഓടിച്ച കാര്‍ ബൈക്കില്‍ ഇടിച്ചു മഞ്ചേരി സ്വദേശി ശരത്തിനാണ് പരിക്കേറ്റത്. പാലാരിവട്ടം പൊലീസ് കേസെടുത്ത് മോട്ടോര്‍ വാഹന വകുപ്പിനു കൈമാറുകയായിരുന്നു.
Post a Comment
0 Comments