കുടക്: കര്‍ണാടക ട്രാന്‍സ്‌പോര്‍ട്ട് ബസും കാറും കൂട്ടിയിടിച്ച് കുടക് സ്വദേശികളായ ദമ്പതികള്‍ക്ക് ഹുന്‍സൂറില്‍ ദാരുണാന്ത്യം. മറഗോഡു കോളജ് റിട്ട. പ്രിന്‍സിപ്പലും ബിഎസ്പി കുടക് ജില്ലാ വൈസ് പ്രസിഡന്റുമായ എച്ച്.ബി ബെല്ലിയപ്പ (64), ഭാര്യ വീണ (54) എന്നിവരാണ് മരിച്ചത്. ഹൈദരാബാദില്‍ കംപനിയില്‍ ജോലി ചെയ്യുന്ന മകള്‍ ശ്രുതിയെ മൈസൂറു വിമാനത്താവളത്തില്‍ നിന്നു കൊണ്ടുവരാന്‍ പോവുകയായിരുന്ന ദമ്പതികള്‍ സഞ്ചരിച്ച കാറില്‍ രംഗയ്യന കൊപ്പക്കടുത്ത് ദേശീയ പാത 275ല്‍ ബസ് ഇടിക്കുകയായിരുന്നു. മുന്‍ഭാഗം പൂര്‍ണമായി തകര്‍ന്ന കാര്‍ ഓടിച്ച ബെല്ലിയപ്പ തല്‍ക്ഷണം മരിച്ചു. ഭാര്യ ആശുപത്രിയില്‍ വച്ചാണ് മരിച്ചത്.
Post a Comment
0 Comments