അതേസമയം, വഖഫ് ചെയര്‍മാന്‍ സ്ഥാനത്ത് നിന്ന് ടി.കെ ഹംസ രാജിവച്ചാല്‍ തല്‍സ്ഥാനത്തേക്ക് സമസ്ത ഇ.കെ വിഭാഗം ആവശ്യമുന്നയിക്കുമെന്നാണ് സൂചന. ആവശ്യം പാര്‍ട്ടി അംഗീകരിച്ചാല്‍ പാണക്കാട് സയ്യിദ് മുഈനലി തങ്ങളോ, സമസ്ത മുശാവറാംഗം മുക്കം ഉമര്‍ ഫൈസിയോ ഹമീദ് ഫൈസി അമ്പലക്കടവോ വഖഫ് ബോര്‍ഡ് ചെയര്‍മാന്‍ ആയേക്കും. സമസ്ത ഇകെ വിഭാഗത്തെ കൂട്ടുപിടിച്ച് സിപിഎം പുതിയ രാഷ്ട്രീയ തന്ത്രത്തിന് നീക്കങ്ങള്‍ തുടങ്ങിയിട്ട് കുറച്ചുകാലമായി. ഇ.കെ സമസ്തയെ അടുപ്പിക്കാന്‍ വോട്ടു ബാങ്ക് ലക്ഷ്യംവെച്ചുള്ള നയതന്ത്രമായും ചെയര്‍മാന്‍ സ്ഥാനം വെച്ചുമാറലിനു പിന്നിലുണ്ടെന്നാണ് സംശയിക്കപ്പെടുന്നത്.
