പൊട്ടിവീണ വൈദ്യുതി കമ്പിയില്‍ നിന്ന് ഷോക്കേറ്റു; കുടുംബത്തിലെ മൂന്നു പേര്‍ക്ക് ദാരുണാന്ത്യം

മംഗളൂരു:  കനത്ത മഴയിലും കാറ്റിലും പൊട്ടി വീണ വൈദ്യുതി ലൈനില്‍ നിന്ന് ഷോക്കേറ്റ് കുടുംബത്തിലെ മൂന്നു പേര്‍ മരിച്ചു. കലബുറുഗി ജില്ലയില്‍ ചിഞ്ചോളി ധന്‍ഗര്‍ ഗള്ളിയില്‍ ഝരണമ്മ(45), മക്കള്‍ സുരേഷ് (20), മഹേഷ് (18) എന്നിവരാണ് മരിച്ചത്. ഗൃഹനാഥന്‍ അംബന്നണി പരുക്കേറ്റ് ആശുപത്രിയിലാണ്. അപ്രതീക്ഷിത മഴയില്‍ നനയുന്ന പശുവിനെ സുരക്ഷിത സ്ഥാനത്ത് മാറ്റിക്കെട്ടാനാണ് കുടുംബം രാത്രി പുറത്തിറങ്ങിയതെന്ന് പൊലീസ് പറഞ്ഞു. കാറ്റില്‍ വൈദ്യുതി തൂണ്‍ മറിഞ്ഞ് പൊട്ടി വീണ ലൈന്‍ ഇവരുടെ വീടിന് മുന്നില്‍ കിടക്കുന്നുണ്ടായിരുന്നു. ചിഞ്ചോളി പൊലീസ് കേസെടുത്തു.