പണത്തെക്കുറിച്ച് അറിയില്ലെന്ന് അര്‍പിത മുഖര്‍ജി

കൊല്‍ക്കത്ത: തന്‍റെ രണ്ട് ഫ്ലാറ്റുകളിലായി ഇത്രയധികം പണവും മറ്റ് വിലപിടിപ്പുള്ള വസ്തുക്കളും ഒളിപ്പിച്ചിട്ടുണ്ടെന്ന് തനിക്ക് അറിയില്ലെന്നും അടച്ചിട്ട മുറികളിലേക്ക് പ്രവേശിക്കാൻ പാർത്ഥ ചാറ്റർജി തന്നെ അനുവദിച്ചില്ലെന്നും അർപിത മുഖർജി പറഞ്ഞു. പശ്ചിമ ബംഗാളിലെ അധ്യാപക നിയമന അഴിമതിയുമായി ബന്ധപ്പെട്ട് അറസ്റ്റിലായ തൃണമൂൽ കോണ്‍ഗ്രസ് നേതാവും മുൻ വിദ്യാഭ്യാസ മന്ത്രിയുമായ പാർത്ഥ ചാറ്റർജിയുടെ അടുത്ത അനുയായിയാണ് അർപ്പിത. കേസിൽ അറസ്റ്റിലായ അർപ്പിതയുടെ ചോദ്യം ചെയ്യൽ പുരോഗമിക്കുകയാണ്. വ്യാഴാഴ്ച ചോദ്യം ചെയ്യലിനിടെയാണ് അർപിത ഈ പരാമർശങ്ങൾ നടത്തിയതെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. പൂട്ടിയിട്ട മുറികളിൽ പ്രവേശിക്കാൻ പാർത്ഥ തന്നെ അനുവദിച്ചില്ലെന്നും അർപിത കൂട്ടിച്ചേർത്തു. ബുധനാഴ്ച അർപ്പിതയുടെ ഒരു ഫ്ലാറ്റിൽ ഇഡി റെയ്ഡ് നടത്തിയിരുന്നു. റെയ്ഡിൽ 27.9 കോടി രൂപ പിടിച്ചെടുത്തു. ബെൽഗോറിയയിലെ ക്ലബ് ടൗൺ ഹൈറ്റ്സിലെ അർപ്പിതയുടെ മറ്റൊരു ഫ്ലാറ്റിലെ കിടപ്പുമുറിയിൽ നിന്നും സമീപത്തെ ശുചിമുറിയിൽ നിന്നും 4.3 കോടി രൂപയുടെ ആഭരണങ്ങൾ ഇഡി പിടിച്ചെടുത്തു. അത് പിടിച്ചെടുത്തു. നേരത്തെ, ടോളിഗഞ്ചിലെ അർപിതയുടെ ഫ്ലാറ്റിൽ നിന്ന് 21.9 കോടി രൂപയും 54 ലക്ഷം രൂപയുടെ വിദേശ കറൻസിയും 74 ലക്ഷം രൂപയുടെ സ്വർണ്ണവും ഇഡി കണ്ടെടുത്തിരുന്നു.