കാസര്‍കോട് (www.evisionnews.co): കാറിലെത്തിയ സംഘം സഹോദരങ്ങളെ കുത്തിപ്പരിക്കേല്‍പ്പിച്ചു. തായലങ്ങാടിയില്‍ ഇളനീര്‍ ജ്യൂസ് കട നടത്തുന്ന ഇല്ല്യാസ് (28), സഹോദരന്‍ താജുദ്ദീന്‍ (31) എന്നിവര്‍ക്കാണ് കുത്തേറ്റത്. ഇരുവരേയും മംഗളൂരുവിലെ ആസ്പത്രിയില്‍ പ്രവേശിപ്പിച്ചു.
ഇന്നലെ രാത്രി ഏഴരയോടെയാണ് സംഭവം. കാറില്‍ പിന്തുടര്‍ന്നെത്തിയ സംഘം കടയില്‍ കയറി അക്രമം കാട്ടുകയായിരുന്നു. ബഹളംകേട്ട് ആളുകള്‍ ഓടിക്കൂടുന്നതിനിടെ അക്രമി സംഘം കാറില്‍ രക്ഷപ്പെട്ടു. സംഭവവുമായി ബന്ധപ്പെട്ട് പുളിക്കൂര്‍ സ്വദേശി ആഷിഫിനെ അറസ്റ്റ് ചെയ്തു. തുടര്‍ന്ന് കോടതിയില്‍ ഹാജരാക്കിയ ആഷിഫിനെ രണ്ടാഴ്ചത്തേക്ക് റിമാന്റ് ചെയ്തു.
Post a Comment
0 Comments