മംഗളൂരു സെന്‍ട്രലില്‍ നിന്നും രണ്ടു തീവണ്ടികള്‍ ആറുമുതല്‍ ഓടിത്തുടങ്ങും

മംഗളൂരു (www.evisionnews.co): മംഗളൂരു സെന്‍ട്രലില്‍ നിന്നും കേരളം വഴി രണ്ടു തീവണ്ടികള്‍ കൂടി ഈമാസം ആറുമുതല്‍ ഓടിത്തുടങ്ങും. മംഗളൂരു നാഗര്‍കോവില്‍ ഏറനാട് എക്‌സ്പ്രസ്, സ്‌പെഷ്യല്‍ ട്രെയിനായി ഓടുന്ന മംഗളൂരു സെന്‍ട്രല്‍- കോയമ്പത്തൂര്‍ ട്രെയിന്‍ എന്നിവയാണ് സര്‍വീസ് തുടങ്ങുക. ഏറനാട് എക്‌സ്പ്രസ് ആറിനും കോയമ്പത്തൂര്‍ ഫാസ്റ്റ് 7നുമാണ് ഓടി തുടങ്ങുക. നേരത്തെയുള്ള എല്ലാ സ്റ്റോപ്പുകളിലും രണ്ടു ട്രെയിനുകള്‍ക്കും സ്റ്റോപ്പ് അനുവദിച്ചിട്ടുണ്ട്. ടിക്കറ്റുകള്‍ റിസര്‍വേഷന്‍ വഴി മാത്രമേ ലഭിക്കൂ. 

രാവിലെ 7.20ന് മംഗളൂരുവില്‍ നിന്നും പുറപ്പെടുന്ന ഏറനാട് എക്‌സ്പ്രസ് രാത്രി 11.20ന് നാഗര്‍കോവിലില്‍ എത്തും. പിറ്റേന്ന് പുലര്‍ച്ചെ രണ്ടു മണിക്ക് നാഗര്‍കോവില്‍ നിന്നും പുറപ്പെട്ട് വൈകിട്ട് ആറിന് മംഗളുരുവില്‍ തിരിച്ചെത്തും. രാവിലെ 9ന് മംഗ്‌ളൂരുവില്‍ നിന്ന് പുറപ്പെടുന്ന കോയബത്തൂര്‍ എക്‌സ്പ്രസ് വൈകിട്ട് 7.55ന് കോയബത്തൂരില്‍ എത്തും. പിറ്റേന്ന് രാവിലെ അവിടെ നിന്നും 7.55ന് പുറപ്പെട്ട് വൈകിട്ട് ആറിന് മംഗളൂരുവില്‍ തിരിച്ചെത്തും.