മൊഗ്രാല്‍ പുത്തൂര്‍ (www.evisionnews.co): വിദ്യാഭ്യാസ രംഗത്തും ജീവകാരുണ്യ മേഖലകളിലും ദുബൈ മലബാര്‍ കലാസാംസ്‌കാരിക വേദി നല്‍കിക്കൊണ്ടിരിക്കുന്ന സംഭാവന വളരെ വലുതാണെന്നും കേരളത്തില്‍ പ്രത്യേകിച്ച് വടക്കെ മലബാറില്‍ ന്യൂനപക്ഷ വിഭാഗങ്ങള്‍ വിദ്യാഭ്യാസപരമായി കൈവരിച്ച് നേട്ടങ്ങള്‍ വളരെയേറെ അഭിനന്ദനാര്‍ഹമാണെന്നും വാണിജ്യ പ്രമുഖനും കാസര്‍കോട് ജില്ലാ മുസ്ലിം ലീഗ് സെക്രട്ടറിയുമായ പിഎം മുനീര്‍ ഹാജി അഭിപ്രായപ്പെട്ടു. കേന്ദ്രസര്‍വകലാശാല എംഎ മലയാളം പരീക്ഷയില്‍ ഒന്നാംറാങ്ക് നേടിയ ആയിഷത്ത് ഹസൂറ, മൂന്നാം റാങ്ക് നേടിയ ഹസീന യാസ്മിന്‍ എന്നിവരെ അനുമോദിക്കാന്‍ എരിയാല്‍ ബിഎ റസ്റ്റോറന്റില്‍ ചേര്‍ന്ന യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
Post a Comment
0 Comments