കേരളം (www.evisionnews.co): കൊച്ചിയില്‍ നാവികസേനയുടെ ഗ്ലൈഡര്‍ തകര്‍ന്നു വീണ് രണ്ട് പേര്‍ മരിച്ചു. ഉത്തരാഖണ്ഡ് സ്വദേശി രാജീവ് ത്സാ, ബീഹാര്‍ സ്വദേശി സുനില്‍ കുമാര്‍ എന്നിവരാണ് മരിച്ചത്. രാവിലെ 7 മണിയോടെ ബി ഒ ടി പാലത്തിന് സമീപത്താണ് അപകടം സംഭവിച്ചത്. ആശുപത്രിയില്‍ എത്തിക്കുമ്പോഴേക്കും ഇവരുവരും മരിച്ചിരുന്നു. അതേസമയം, അപകടത്തെ കുറിച്ച് അന്വേഷിക്കാന്‍ പ്രത്യേക ബോര്‍ഡിനെ നിയോഗിച്ചു.
അപകടത്തില്‍ ഗ്ലൈഡര്‍ പൂര്‍ണമായും തകര്‍ന്നിട്ടുണ്ട്. നാവിക സേന കൊച്ചിയില്‍ പരിശീലിപ്പിക്കുന്ന വിവിധ പറക്കലുകളില്‍ ഒന്നാണ് ഗ്ലൈഡറിലുളള പറക്കല്‍. ഇത് എന്‍ജന്‍ ഘടിപ്പിച്ചതും അല്ലാത്തതും ഉണ്ടെങ്കിലും ഇന്ന് അപകടത്തില്‍ പെട്ടത് എന്‍ജിന്‍ ഘടിപ്പിച്ച ഗ്ലൈഡറാണ്. നാവിക സേന കുറെക്കാലമായി ഇത് ഉപയോഗിക്കുന്നുണ്ട്. പതിവു പരിശീലനത്തിന്റെ ഭാഗമായി നടത്തിയ പറക്കലിലാണ് അപകടം സംഭവിച്ചതെന്ന് നാവിക സേന വക്താവ് കമാന്‍ഡര്‍ ശ്രീധര്‍ വാര്യര്‍ അറിയിച്ചു.
Post a Comment
0 Comments