15.31 ലക്ഷം കവിഞ്ഞ് കോവിഡ് ബാധിതര്‍: രാജ്യത്ത് 24മണിക്കൂറിനിടെ 768 മരണം: പ്രതിദിന എണ്ണത്തില്‍ആന്ധ്ര മുന്നില്‍

ദേശീയം (www.evisionnews.co): ഇന്ത്യയില്‍ കോവിഡ് രോഗികളുടെ എണ്ണം ഉയര്‍ന്നു. 24 മണിക്കൂറിനിടെ 48,513 പേര്‍ക്ക് പുതിയതായി രോഗബാധ സ്ഥിരീകരിച്ചു. ഇതോടെ 15.31 ലക്ഷം പേര്‍ക്കാണ് രാജ്യത്ത് ഇതുവരെ കോവിഡ് സ്ഥിരീകരിച്ചത്. 24 മണിക്കൂറിനിടെ 768 മരണം റിപ്പോര്‍ട്ട് ചെയ്തു. രാജ്യത്ത് കോവിഡ് മരണം 34193 ആയി ഉയര്‍ന്നു. നിലവില്‍ 509447 പേരാണ് ചികിത്സയിലുള്ളത്. 988029 പേര്‍ രോഗമുക്തരായിട്ടുണ്ട്. 64.24 ശതമാനമാണ് രാജ്യത്തെ രോഗമുക്തി നിരക്ക്.

1,77,43,740 കോവിഡ് പരിശോധനകളാണ് രാജ്യത്ത് ഇതുവരെ നടത്തിയതെന്ന് ഐസിഎംആര്‍ അറിയിച്ചു. ഇന്നലെ മാത്രം 4,08,855 സാമ്പിളുകള്‍ രാജ്യമൊട്ടാകെ പരിശോധിച്ചു. അതേസമയം പ്രതിദിന കോവിഡ് രോഗികളുടെ എണ്ണത്തില്‍ മഹാരാഷ്ട്രയെ പിന്തള്ളി ആദ്യമായി ആന്ധ്രപ്രദേശ് ഒന്നാമതായി. 7,948 പേര്‍ക്കാണ് ആന്ധ്രയില്‍ കോവിഡ് സ്ഥിരീകരിച്ചത്. 7,717 പേര്‍ക്കാണ് മഹാരാഷ്ട്രയില്‍ രോഗം സ്ഥിരീകരിച്ചത്. കര്‍ണാടകയില്‍ 5,536 പേര്‍ക്കാണ് രോഗം സ്ഥിരീകരിച്ചത്.