മംഗളൂരു (www.evisionnews.co): മംഗളൂരു യേനപ്പോയ യൂണിവേഴ്‌സിറ്റി എംഡിഎസ് പരീക്ഷയില്‍ കാസര്‍കോട് സ്വദേശിനിയായ വിദ്യാര്‍ത്ഥിനിക്ക് ഒന്നാം സ്ഥാനം. കാവുഗോളി ചൗക്കി സ്വദേശി ഡോ. സഫ്വാന്‍ സുലൈമാന്‍ കാവിലിന്റെ ഭാര്യ ഡോ. ഫാത്തിമ ഫര്‍ഹാനയാണ് 78 ശതമാനം മാര്‍ക്കോടെ യൂണിവേഴ്‌സിറ്റിയില്‍ ഒന്നാം സ്ഥാനത്തെത്തിയത്. കണ്‍സര്‍വേറ്റീവ് ആന്‍ഡ് എന്‍ഡോഡോന്റിക്‌സ് വിഭാഗത്തില്‍ ഒന്നാം റാങ്കും ഡോ ഫാത്തിമ ഫര്‍ഹാനയ്ക്ക് തന്നെ.
ഇപ്പോള്‍ ഉപ്പള കാവില്‍സ് സ്‌മൈലി ഡന്റല്‍ ക്ലിനിക്കില്‍ സേവനമനുഷ്ഠിക്കുന്ന ഇവര്‍ 2016ല്‍ ബിഡിഎസ് പരീക്ഷയിലും യേനപ്പോയ യൂണിവേഴ്‌സിറ്റിയില്‍ ഒന്നാം സ്ഥാനവും സ്വര്‍ണപ്പതക്കവും നേടിയിരുന്നു. കാസര്‍കോട് വിദ്യാനഗറില്‍ സ്ഥിരതാമസമാക്കിയ മൊഗ്രാല്‍പുത്തൂര്‍ സ്വദേശി എന്‍ജിനീയര്‍ ആരിഫ് മൊയ്തീന്‍ സഫീരിയ ദമ്പതികളുടെ മകളാണ് ഡോ. ഫാത്തിമ ഫര്‍ഹാന. മകള്‍: ഇനായ കുല്‍സു കാവില്‍. ഏക സഹോദരന്‍ ഫറാസ് ബംഗ്ലുരു റിവാ യൂണിവേഴ്‌സിറ്റിയില്‍ ബിബിഎഎല്‍എല്‍ബി മൂന്നാം വര്‍ഷ വിദ്യാര്‍ത്ഥിയാണ്.
Post a Comment
0 Comments