കാസര്കോട് (www.evisionnews.co): മംഗല്പാടി പഞ്ചായത്ത് സെക്രട്ടറിയെ മാറ്റണമെന്നാവശ്യപ്പെട്ടുള്ള പ്രമേയം യുഡിഎഫ് ഭരണസമിതി യോഗത്തില് അവതരിപ്പിച്ചു. സിപിഎം ബിജെപി അംഗങ്ങള് എതിര്ത്തെങ്കിലും പ്രമേയം പാസായി. മുസ്ലിം ലീഗിന്റെ നേതൃത്വത്തിലുള്ള ഭരണസമിതിയാണ് പഞ്ചായത്ത് ഭരിക്കുന്നത്. പഞ്ചായത്ത് സെക്രട്ടറി എം ഷിഹാബിനെതിരെയാണ് യുഡിഎഫ് അംഗങ്ങള് പ്രമേയം കൊണ്ടുവന്നത്.
ഭരണസമിതി യോഗത്തില് പ്രമേയത്തെ 14യുഡിഎഫ് അംഗങ്ങള് അനുകൂലിച്ചപ്പോള് ബിജെപിയിലെ അഞ്ചു അംഗങ്ങളും സിപിഎമ്മിലെ ഒരു അംഗവും എതിര്ത്തു. ഒരു സ്വതന്ത്രന് യോഗത്തില് നിന്നും വിട്ടുനിന്നു. പദ്ധതി പ്രവര്ത്തനത്തില് ശ്രദ്ധപുലര്ത്തുന്നില്ലെന്നാണ് ഷിഹാബിനെതിരെ യുഡിഎഫിന്റെ പ്രധാന ആരോപണം. പ്രസിഡന്റ് ഷാഹുല് ഹമീദ് ബന്തിയോട് അധ്യക്ഷത വഹിച്ചു.
Post a Comment
0 Comments