കാസര്‍കോട് (www.evisionnews.co): കിണര്‍ വൃത്തിയാക്കുന്നതിനിടെ ഏണി വൈദ്യുത ലൈനില്‍ തട്ടി 12 വയസുകാരന്‍ ഷോക്കേറ്റു മരിച്ചു. കാഞ്ഞങ്ങാട് ബാവ നഗറില്‍ ശനിയാഴ്ച വൈകിട്ടാണ് അപകടമുണ്ടായത്. മാങ്ങാട് സ്വദേശി ബഷീറിന്റെ മകന്‍ തബ്ഷീര്‍ (12) ആണ് മരിച്ചത്. പിതാവ് ബഷീറും അമ്മാവന്‍ ഷമീമും ചേര്‍ന്ന് കിണര്‍ വൃത്തിയാക്കാന്‍ ഇറങ്ങിയതായിരുന്നു. പണി കഴിഞ്ഞ് കിണറില്‍ നിന്ന് കയറുന്നതിനിടെ ഇരുമ്പു കൊണ്ട് നിര്‍മിച്ച ഏണി സമീപത്തെ വൈദ്യുത ലൈനില്‍ തട്ടുകയായിരുന്നു.
പിതാവും അമ്മാവനും ഷോക്കേറ്റ് തെറിച്ചു വീണു. സഹായിക്കാന്‍ ചെന്ന തബ്ഷീര്‍ ഏണിയില്‍ കുടുങ്ങുകയായിരുന്നു. നാട്ടുകാര്‍ ഉണങ്ങിയ കമ്പുകൊണ്ട് രക്ഷപ്പെടുത്താന്‍ ശ്രമിച്ചെങ്കിലും കഴിഞ്ഞില്ല. ഉടന്‍ ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. മൃതദേഹം രാത്രി തന്നെ ഖബറടക്കി. പിഎം ആയിശയാണ് മാതാവ്. സഹോദരി: ഫാത്തിമ.
Post a Comment
0 Comments