കാസര്‍കോട് (www.evisionnews.co): പൊള്ളലേറ്റ് ഗുരുതര നിലയില്‍ ആശുപത്രിയില്‍ ചികിത്സയില്‍ കഴിയുകയായിരുന്ന കുട്ടികളില്‍ ഒരാള്‍ കൂടി മരിച്ചു. നെല്ലിക്കട്ടയിലെ താജുദ്ദീന്‍ നിസാമി- തൈ്വബ ദമ്പതികളുടെ മൂന്നു മക്കളില്‍ രണ്ടാമത്തെ മകന്‍ അബ്ദുല്ല (ഒമ്പത്) യാണ് മരിച്ചത്. ഏഴുവയസുകാരിയായ മകള്‍ ഫാത്തിമ ഏപ്രില്‍ 17ന് മരിച്ചിരുന്നു. മറ്റൊരു കുട്ടി മുഹമ്മദ് അസര്‍ (13) ചികിത്സയില്‍ കഴിയുകയാണ്.
ഏപ്രില്‍ 15ന് വൈകിട്ട് അഞ്ചുമണിയോടെയാണ് താജുദ്ധീന്റെ മക്കളായ മുഹമ്മദ് അസര്‍ (13), അബ്ദുല്ല (ഒമ്പത്), ഫാത്തിമ (ഏഴ്) എന്നിവര്‍ വീടിന് സമീപത്തെ മാലിന്യ സംസ്‌കരണത്തിനായി നിര്‍മിച്ച കുഴിയിലുണ്ടായിരുന്ന ഉണക്ക പുല്ലിന് തീയിട്ട് കളിക്കുന്നതിനിടെ പൊള്ളലേറ്റത്.
Post a Comment
0 Comments