ആദൂര്‍ (www.evisionnews.co): പാസില്ലാതെ മഹാരാഷ്ട്രയില്‍ നിന്നെത്തിയ ആളെ അതിര്‍ത്തി കടത്തിയ പഞ്ചായത്ത് അംഗത്തിനെതിരെ പൊലീസ് കേസെടുത്തു. ദേലംപാടി പഞ്ചായത്ത് അംഗം കൊറഗപ്പ റൈയ്ക്കെതിരെയാണ് ആദൂര്‍ പൊലീസ് കേസെടുത്തത്. മഹാരാഷ്ടയില്‍ നിന്നും വന്ന ദേലംപാടി സ്വദേശിക്ക് പാസില്ലായിരുന്നു. തുടര്‍ന്ന് ഇയാളെ സുള്ള്യയില്‍ കര്‍ണാടക പൊലീസ് തടഞ്ഞു.
പിന്നീട് ദേലംപാടി പഞ്ചായത്ത് അംഗമായ കൊറഗപ്പ സുള്ള്യയില്‍ എത്തിയാണ് നാട്ടുകാരനെ അതിര്‍ത്തി കടത്തി കൊണ്ടുവന്നത്. പഞ്ചായത്തംഗത്തിനൊപ്പം അതിര്‍ത്തി കടന്നു വന്നയാള്‍ക്കെതിരെയും കേസെടുത്തിട്ടുണ്ട്. ഇരുവരെയും പൊലീസ് സര്‍ക്കാര്‍ നിരീക്ഷണ കേന്ദ്രത്തിലേക്ക് മാറ്റി.
Post a Comment
0 Comments