കാഞ്ഞങ്ങാട് (www.evisionnews.co): സ്ത്രീകളുടേയും കുട്ടികളുടേയും ആസ്പത്രി കെട്ടിടത്തിന്റെ നിര്‍മാണ പ്രവൃത്തി പുരോഗമിക്കുന്നു. കെട്ടിടം പണിയുടെ 50ശതമാനവും പൂര്‍ത്തിയായി. വൈദ്യുതീകരണ പ്രവര്‍ത്തനങ്ങള്‍ക്കായുള്ള ടെണ്ടര്‍ നടപടികളും പുരോഗമിക്കുകയാണ്. മൂന്നു നിലകളുള്ള ആസ്പത്രി 9.41കോടി രൂപ ചെലവിലാണ് നിര്‍മിക്കുന്നത്. 35000 സ്‌ക്വയര്‍ ഫീറ്റില്‍ നിര്‍മിക്കുന്ന ആസ്പത്രിയില്‍ 100ബെഡുകളുണ്ട്.
ജില്ലാ ആസ്പത്രിയില്‍ നിന്ന് മൂന്നു കിലോ മീറ്ററും കാസര്‍കോട് ജനറല്‍ ആസ്പത്രിയില്‍ നിന്ന് 30 കിലോമീറ്ററുമാണ് കാഞ്ഞങ്ങാട് ഒരുങ്ങുന്ന സ്ത്രീകളുടേയും കുട്ടികളുടേയും ആസ്പത്രിയിലേക്കുള്ള ദൂരം. ഗൈനക്കോളജി, പീഡിയാട്രിക്സ്, അനസ്‌തേഷ്യ, ജനറല്‍ മെഡിസിന്‍, ജനറല്‍ സര്‍ജറി, റേഡിയോളജി വിഭാഗങ്ങള്‍ ആസ്പത്രിയിലുണ്ടാകും.
Post a Comment
0 Comments