![](https://www.southlive.in/wp-content/uploads/2020/01/state-govt-at-supreme-court-696x365.jpg)
(www.evisionnews.co) പൗരത്വ നിയമ ഭേദഗതിക്കെതിരെ സംസ്ഥാന സര്ക്കാര് സുപ്രീം കോടതിയെ സമീപിച്ചു. പൗരത്വ നിയമം റദ്ദാക്കണമെന്ന് ആവശ്യപ്പെട്ട് സംസ്ഥാന സര്ക്കാര് സുപ്രീം കോടതിയില് ഹര്ജി സമര്പ്പിച്ചിരിക്കുകയാണ്. നിയമം വിവേചനപരവും ഭരണഘടനാവിരുദ്ധവുമാണെന്ന് കേരളത്തിന്റെ ഹര്ജിയില് പറയുന്നു. ജനങ്ങളെ ഭിന്നിപ്പിക്കുന്നതാണ് നിയമമെന്നും സര്ക്കാര് കോടതിയില് പറഞ്ഞു.
നിയമം ഭരണഘടനാ വിരുദ്ധമാണെന്ന് പ്രഖ്യാപിക്കണമെന്നും സംസ്ഥാന സര്ക്കാര് ഹര്ജിയില് ആവശ്യപ്പെട്ടിട്ടുണ്ട്. ഭരണഘടനയുടെ അനുഛേദം 131 പ്രകാരമുള്ള സൂട്ട് ഹര്ജിയാണ് സംസ്ഥാന സര്ക്കാര് നല്കിയിരിക്കുന്നത്. പൗരത്വ ദേദഗതിക്കെതിരെ കോടതിയില് എത്തുന്ന ആദ്യ സംസ്ഥാനമാണ് കേരളം. പൗരത്വ ഭേദഗതി നിയമത്തിനെതിരെ കേരള നിയമസഭ പ്രമേയം പാസാക്കിയിരുന്നു. ഇതിന് പിന്നാലെയാണ് സംസ്ഥാന സർക്കാർ സുപ്രീം കോടതിയെ സമീപിച്ചിരിക്കുന്നത്.
Post a Comment
0 Comments