കേരളം (www.evisionnews.co): ശബരിമലയിലെത്തിയ ട്രാന്‍സ്ജെന്‍ഡേഴ്സിനെ പോലീസ് തടഞ്ഞെന്ന് പരാതി. തൃപ്തി, അവന്തിക, രഞ്ജു എന്നിവരെയാണ് പോലീസ് തടഞ്ഞുവെന്നാണ് ആരോപണം. പോലീസ് കാരണമില്ലാതെ തങ്ങളെ തടയുകയായിരുന്നുവെന്ന് സംഘത്തിലുണ്ടായ രഞ്ജു പറഞ്ഞു. അതേസമയം, തിരിച്ചറിയല്‍ രേഖകള്‍ പരിശോധിക്കുന്നതിനായാണ് മൂവരെയും തടഞ്ഞതെന്ന് പോലീസ് വ്യക്തമാക്കിയിട്ടുണ്ട്. രേഖകള്‍ പരിശോധിച്ച് മൂവരെയും ദര്‍ശനത്തിനായി പോകാന്‍ അനുവദിച്ചുവെന്നും പോലീസ് അറിയിച്ചു.
അതേസമയം നാല്‍പത്തിയൊന്നു ദിവസത്തെ മണ്ഡലകാലത്തിനു സമാപനം കുറിച്ച് ശബരിമലയില്‍ ഇന്ന് മണ്ഡലപൂജ നടക്കും. രാവിലെ 10 മുതല്‍ 11.45 വരെയാണ് തങ്കഅങ്കി ചാര്‍ത്തിയുള്ള മണ്ഡലപൂജ ചടങ്ങുകള്‍. രാത്രി 10ന് ഹരിവരാസനം ചൊല്ലി നടയടക്കും. 30ന് വൈകിട്ട് മകരവിളക്ക് മഹോത്സവത്തിനായാണ് നട തുറക്കുക. മണ്ഡലപൂജയോട് അനുബന്ധിച്ചു കനത്ത സുരക്ഷ വലയത്തിലാണ് ശബരിമല.
Post a Comment
0 Comments