സന്നിധാനത്ത് മൊബൈല് ഫോണ് ഉപയോഗിക്കുന്നതിന് നേരത്തെ തന്നെ നിരോധനം ഉണ്ടായിരുന്നെങ്കിലും ഇത് കര്ശനമായി നടപ്പാക്കിയിരുന്നില്ല. ഇതിനെ തുടര്ന്ന് ശ്രീകോവിലിന്റെയും പ്രതിഷ്ഠയുടെയും ഉള്പ്പെടെയുള്ള ദൃശ്യങ്ങള് സമൂഹമാധ്യമങ്ങളില് പലരും പ്രചരിപ്പിച്ചിരുന്നു. ഈ സാഹചര്യത്തിലാണ് മൊബൈല് ഫോണുകള്ക്കുള്ള വിലക്ക് കര്ശനമായി നടപ്പാക്കാന് ദേവസ്വം ബോര്ഡ് തീരുമാനിച്ചത്.
രണ്ടു ദിവസം മുന്പാണ് ഇതു സംബന്ധിച്ച തീരുമാനം ദേവസ്വം ബോര്ഡെടുത്തത്. ആദ്യഘട്ടത്തില് നിരോധനം ലംഘിക്കുന്നവരുടെ ഫോണുകളില്നിന്ന് ദൃശ്യങ്ങള് മായ്ച്ചുകളയുകയും അടുത്ത ഘട്ടത്തില് ഫോണ് പിടിച്ചെടുക്കുകയും കേസെടുക്കുകയും ചെയ്യുന്നതടക്കമുള്ള നടപടികളിലേയ്ക്ക് നീങ്ങുമെന്നാണ് ദേവസ്വംബോര്ഡ് മുന്നറിയിപ്പ് നല്കിയിരിക്കുന്നത്.
Post a Comment
0 Comments