കേരളം (www.evisionnews.co): മാവോയിസ്റ്റ് അനുകൂല ലഘുലേഖ കൈവശം വെച്ചതിന് രണ്ട് സിപിഎം പ്രവര്ത്തകര് അറസ്റ്റില്. കോഴിക്കോട് സ്വദേശി അലയ്ന് ഷുഹൈബ്, താഹ ഫസല് എന്നിവരാണ് അറസ്റ്റിലായത്. പന്തീരാങ്കാവ് പൊലീസ് ആണ് ഇരുവരെയും അറസ്റ്റ് ചെയ്തത്. പന്തീരാങ്കാവില് നിന്ന് വെള്ളിയാഴ്ച രാത്രിയായിരുന്നു അറസ്റ്റ്. ഇരുവര്ക്കുമെതിരെ യുഎപിഎ ചുമത്തിയിട്ടുണ്ട്. ഇരുവരും സിപിഎം ബ്രാഞ്ച് കമ്മിറ്റി അംഗങ്ങളാണ്
നിരവധി മാവോയിസ്റ്റ് അനുകൂല ലഘുലേഖകള് ഇവരില് നിന്ന് പിടിച്ചെടുത്തതായി പൊലീസ് പറയുന്നു. കണ്ണൂര് സര്വകലാശാലയില് നിയമ വിദ്യാര്ത്ഥികളാണ് രണ്ടുപേരും. മുമ്പ് കോഴിക്കോട് സൗത്ത് എസ്എഫ്ഐ ഏരിയാ കമ്മിറ്റി അംഗമായിരുന്നു അറസ്റ്റിലായ അലയ്ന് ഷുഹൈബ് എന്ന് പൊലീസ് പറഞ്ഞു.
നിരോധിത ഇടതുപക്ഷ സംഘടനയുമായി ബന്ധമുള്ള ആളാണ് ഇവരെന്ന് പൊലീസ് പറയുന്നു. പാലക്കാട് മഞ്ചിക്കണ്ടി ഏറ്റുമുട്ടല് കൊലപാതകത്തില് പ്രതിഷേധിച്ചുള്ള ലഘുലേഖകള് വിതരണം ചെയ്തതിനാണ് ഇവര് അറസ്റ്റിലായിരിക്കുന്നതെന്നാണ് പൊലീസ് പറയുന്നത്.
Post a Comment
0 Comments