കാസര്കോട് (www.evisionnews.co): ലോറി നിയന്ത്രണംവിട്ട് ബൈക്കിലിടിച്ച് മെഡിക്കല് റെപ്രസന്റേറ്റീവ് മരിച്ചു. ആദൂര് കോട്ടൂര് വളവിലാണ് അപകടമുണ്ടായത്. മെഡിക്കല് റെപ്രസന്റേറ്റീവായ കോട്ടൂരിലെ ഈശ്വരഭട്ട് ആണ് മരിച്ചത്. കര്ണാടകയില് നിന്നും കാസര്കോട് ഭാഗത്തേക്ക് സിമെന്റ് കയറ്റി വന്ന ലോറി ഈശ്വരഭട്ട് സഞ്ചരിച്ച ബൈക്കില് ലോറിയിടിക്കുകയായിരുന്നു. ലോറി എതിര്വശത്തെ കൊക്കയിലേക്ക് മറിഞ്ഞെങ്കിലും ഒരു മരത്തില് തങ്ങിനിന്നു. ഓടിക്കൂടിയ നാട്ടുകാരും പോലീസും ചേര്ന്ന് പരിക്കേറ്റ ഈശ്വരഭട്ടിനെയും ലോറിയിലുണ്ടായിരുന്ന ഡ്രൈവര് കര്ണാടക സ്വദേശി അസ്ലം റാസ (47)യെയും ആശുപത്രിയിലെത്തിച്ചെങ്കിലും അപ്പോഴേക്കും ഈശ്വരഭട്ട് മരിച്ചിരുന്നു.
Post a Comment
0 Comments