കാസര്‍കോട് (www.evisionnews.co): ലിസ്ബന്‍ എഫ്.സി നടത്തുന്ന എന്‍.എസ്.എല്‍ സീസണ്‍-4 നാരമ്പാടി സോക്കര്‍ ലീഗിന് നവംബര്‍ 23ന് കൊടിയേറും. ആറു ടീമുകളായി നൂറില്‍ പരം കായിക താരങ്ങള്‍ അണിനിരക്കുന്ന സോക്കാര്‍ മാമാങ്കം തുടര്‍ച്ചയായി നാലാം വര്‍ഷമാണ് ലിസ്ബന്‍ എഫ്.സി നടത്തുന്നത്. നാടിന്റെ ഐക്യവും കായിക ബോധവും വാര്‍ത്തെടുക്കാന്‍ ഇത്തരത്തിലുള്ള മത്സരങ്ങള്‍ ഏറെ വിലകല്‍പ്പിക്കുന്നുവെന്ന് ക്ലബ് ഭാരവാഹികള്‍ അഭിപ്രായപ്പെട്ടു.
ലോഗോ പ്രകാശനം ചെങ്കള ഗ്രാമ പഞ്ചായത്ത് പ്രസിഡന്റ് ഷാഹിന സലീം ക്ലബ് വൈസ് പ്രസിഡന്റ് നിസാം കെ.ബിക്ക് നല്‍കി നിര്‍വഹിച്ചു. ക്ലബ് ട്രഷറര്‍ അബ്ദുള്ള, ജോ. സെക്രട്ടറി തഫ്ഷീര്‍ മുഹമ്മദ്, എന്‍എസ്എല്‍ വൈസ് ചെയര്‍മാന്‍ ആരിഫ്, മറ്റു അംഗങ്ങളായ ശാക്കിര്‍, സിദ്ദിഖ്, ഖാദര്‍ സംബന്ധിച്ചു.
Post a Comment
0 Comments