നായന്മാര്‍മൂല (www.evisionnews.co): ആദര്‍ശത്തില്‍ അടിയുറച്ച് നിന്ന് പൊതുപ്രവര്‍ത്തനം നടത്തി ജനഹൃദയത്തില്‍ അമരസ്മരണ നേടുകയും സാമൂഹ്യ സാംസ്‌കാരിക വിദ്യാഭ്യാസ ജീവകാരുണ്യ പ്രവര്‍ത്തന രംഗത്ത് വ്യക്തിമുദ്ര പതിപ്പിക്കുകയും ചെയ്ത മനുഷ്യ സ്‌നേഹിയായിരുന്നു പി.ബി.അബ്ദുല്‍ റസാഖ് എന്ന് മുസ് ലിം ലീഗ് നേതാവ് സൈനുല്‍ ആബിദീന്‍ തങ്ങള്‍ കുന്നുങ്കൈ പറഞ്ഞു. മഞ്ചേശ്വരം മുന്‍ എം.എല്‍.എയും മുസ് ലിം ലീഗ് നേതാവുമായിരുന്ന പി.ബി. അബ്ദുല്‍ റസാഖിന്റെ ഒന്നാം ചരമവാര്‍ഷിക ദിനത്തില്‍ നായന്മാര്‍മൂല ടൗണ്‍ മുസ് ലിം ലീഗ് കമ്മിറ്റി നായന്മാര്‍മൂല ഹില്‍ ടോപ് അറീനയില്‍ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
പ്രസിഡന്റ് എന്‍.എ അബൂബക്കര്‍ ഹാജി അധ്യക്ഷത വഹിച്ചു. ജനറല്‍ സെക്രട്ടറി ബി.എ അഹമ്മദ് സ്വാഗതം പറഞ്ഞു. രാജ് മോഹന്‍ ഉണ്ണിത്താന്‍ എം.പി. മുഖ്യപ്രഭാഷണം നടത്തി. എന്‍. ഷംസുദ്ദീന്‍ എം.എല്‍.എ അനുസ്മരണ പ്രഭാഷണം നടത്തി. മുസ്്‌ലിം ലീഗ് സംസ്ഥാന ട്രഷറര്‍ സി.ടി അഹമ്മദലി, ജില്ലാ ആക്്ടിംഗ് പ്രസിഡന്റ് ടി.ഇ അബ്ദുല്ല, ജനറല്‍ സെക്രട്ടറി എ. അബ്ദുല്‍ റഹ്്മാന്‍, കാസര്‍കോട് മണ്ഡലം ജനറല്‍ സെക്രട്ടറി അബ്ദുല്ല ക്കുഞ്ഞി ചെര്‍ക്കള, ചെങ്കള പഞ്ചായത്ത് ലീഗ് പ്രസിഡന്റ് ബികെ അബ്ദുല്‍ സമദ്, ജനറല്‍ സെക്രട്ടറി പിഡിഎ റഹ്്മാന്‍, എസ്.ടിയു ജില്ലാ ജനറല്‍ സെക്രട്ടറി ഷറീഫ് കൊടവഞ്ചി, നവാസ് പാലേരി, നാഷണല്‍ അബ്ദുല്ല, കരിവെള്ളൂര്‍ വിജയന്‍, സിബി അബ്ദുല്ല ഹാജി, പിബി അബ്ദുല്‍ റഹ്്മാന്‍, ഷാഫി കുദ്രോളി, ഷഫീഖ് റസാഖ്, മജീദ് സന്തോഷ് നഗര്‍ പ്രസംഗിച്ചു.
Post a Comment
0 Comments