കാസര്‍കോട് (www.evisionnews.co): കാറില്‍ കഞ്ചാവ് കടത്തുകയായിരുന്ന രണ്ടുപേരെ എക്‌സൈസ് സംഘം അതിസാഹസികമായി പിടികൂടി. വെള്ളിക്കോത്ത് വീണച്ചേരി റോഡിന്റെ പടിഞ്ഞാറ് വശത്തുള്ള ചെറിയ പള്ളിയുടെ മുന്‍വശം ടി. റോഡിന്റെ പടിഞ്ഞാറേ അരികില്‍ കാറില്‍ 250ഗ്രാം കഞ്ചാവ് കടത്തുകയായിരുന്ന ആവിക്കര വടകരമുക്ക് മംച്ചീല്‍ ക്വാര്‍ട്ടേഴ്സില്‍ സാറമ്മയുടെ മകന്‍ ഷംസീര്‍, കാഞ്ഞങ്ങാട് നിത്യാനന്ദ പോളിടെക്‌നികിന് സമീപം സഫിയ മന്‍സിലില്‍ ഇസ്മയിലിന്റെ മകന്‍ ടി. സക്കറിയ എന്നിവരെ ഹോസ്ദുര്‍ഗ്ഗ് എക്‌സൈസ് റെയ്ഞ്ച് ഓഫീസിലെ എക്‌സൈസ് ഇന്‍സ്പെക്ടര്‍ ടി.ആര്‍ ഹരിനന്ദനന്‍, പ്രിവന്റീവ് ഓഫീസര്‍ ഷെയ്ക് അബ്ദുല്‍ ബഷീര്‍, എം.രാജീവന്‍, സിവില്‍ എക്‌സൈസ് ഓഫീസര്‍മാരായ മനീഷ്‌കുമാര്‍ എം.പി, സാജന്‍ അപ്യാല്‍, ഗോവിന്ദന്‍.പി, മുരളീധരന്‍, അഖിലേഷ്, ഡ്രൈവര്‍ മൈക്കിള്‍ എന്നിവര്‍ അടങ്ങുന്ന സംഘം അതിസാഹസികമായി പിടികൂടി അറസ്റ്റ് ചെയ്തു.
കഞ്ചാവും കാറും കസ്റ്റഡിയിലെടുത്തു. തുടര്‍ന്ന് പ്രതികളെ ജാമ്യത്തില്‍ ഇറക്കാന്‍ വന്ന പത്തോളം പേരടങ്ങുന്ന സംഘങ്ങള്‍ എക്‌സൈസ് ഓഫീസില്‍ അതിക്രമം നടത്തുകയും ഭീഷണി മുഴക്കുകയും ചെയ്തു. ഹോസ്ദുര്‍ഗ്ഗ് പോലീസ് സ്ഥലത്തെത്തി ഡ്യൂട്ടി തടസപ്പെടുത്തിയതിന് അതിക്രമം നടത്തിയവര്‍ക്കെതിരെ കേസെടുത്തു.
Post a Comment
0 Comments