പി.ബി അബ്ദുല്‍ റസാഖ് അനുസ്മരണം വ്യാഴാഴ്ച ഉപ്പളയില്‍

ഉപ്പള (www.evisionnews.co): മുസ്്‌ലിം ലീഗിന്റെ സമുന്നത നേതാവും മഞ്ചേശ്വരത്തിന്റെ ജനകീയ എം.എല്‍.എയുമായ പി.ബി അബ്ദുല്‍ റസാഖിന്റെ ഒന്നാം ചരമ വാര്‍ഷികത്തോടനുബന്ധിച്ച് യു.ഡി.എഫ് മഞ്ചേശ്വരം നിയോജക മണ്ഡലം കമ്മിറ്റി നാളെ ഉച്ചക്ക് 2.30ന് ഉപ്പള മരിക്കെ പ്ലാസയില്‍ അനുസ്മരണ സമ്മേളനം നടത്തും. മുസ്്‌ലിം ലീഗ് സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി അനുസ്മരണ പ്രഭാഷണം നടത്തും. മുന്‍ കെ.പി.സി.സി പ്രസിഡന്റ്് വി.എം സുധീരന്‍, മുസ്്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, സി.എം.പി. സംസ്ഥാന സെക്രട്ടറി സി.പി ജോണ്‍, യൂത്ത് ലീഗ് സംസ്ഥാന പ്രസിഡന്റ്് സയ്യിദ് മുനവ്വറലി ശിഹാബ് തങ്ങള്‍, എം.പിമാരായ കെ. മുരളീധരന്‍, രാജ്‌മോഹന്‍ ഉണ്ണിത്താന്‍, മറ്റു യു.ഡി.എഫ് നേതാക്കള്‍ പ്രസംഗിക്കും.