കാസര്‍കോട് (www.evisionnews.co): സ്‌കൂട്ടര്‍ തട്ടിയതിനെ ചോദ്യംചെയ്ത വിരോധത്തില്‍ യുവാവിനെ മര്‍ദിച്ചതായി പരാതി. സംഭവവുമായി ബന്ധപ്പെട്ട് പ്രതിയെ പോലീസ് അറസ്റ്റ് ചെയ്തു. തളങ്കര പള്ളിക്കാലിലെ യൂസുഫിനെ (20)യാണ് കാസര്‍കോട് ടൗണ്‍ പോലീസ് അറസ്റ്റ് ചെയ്തത്. തെരുവത്ത് സിറാമിക്സ് റോഡിലെ മുഹമ്മദ് റഫീഖിന്റെ മകന്‍ അബ്ദുല്‍ റഷീദാണ് പോലീസില്‍ പരാതി നല്‍കിയത്. ഇക്കഴിഞ്ഞ ബുധനാഴ്ച രാത്രി 10 മണിയോടെ തളങ്കര ദീനാര്‍ നഗറില്‍ സ്‌കൂട്ടറില്‍ മറ്റൊരു സ്‌കൂട്ടര്‍ തട്ടിയതിനെ റഷീദ് ചോദ്യം ചെയ്തിരുന്നു. ഇതിന്റെ വിരോധത്തില്‍ തന്നെയും സുഹൃത്ത് ഫൈസലിനെയും ഇരുമ്പ് വടി കൊണ്ട് തലക്കടിച്ച് പരിക്കേല്‍പിച്ചുവെന്നാണ് പരാതിയില്‍ പറയുന്നത്.
Post a Comment
0 Comments