കാസര്‍കോട് നഗരത്തില്‍ നടന്നുപോവുന്നതിനിടെ ബസിടിച്ച് സ്ത്രീക്ക് ദാരുണ മരണം

കാസര്‍കോട്: (www.evisionnews.co) കാസര്‍കോട് നഗരത്തില്‍ നടന്നുപോവുന്നതിനിടെ ബസിടിച്ച് സ്ത്രീകള്‍ക്ക് ദാരുണ മരണം. തിങ്കളാഴ്ച ഉച്ചയ്ക്ക് 12മണിയോടെ ബാങ്ക് റോഡില്‍ പോലീസ് സ്റ്റേഷന് സമീപമാണ് അപകടമുണ്ടായത്. 60 വയസ് പ്രായം തോന്നിക്കുന്ന ഇവരെ തിരിച്ചറിഞ്ഞിട്ടില്ല. കാസര്‍കോട്- തലപ്പാടി റൂട്ടിലോടുന്ന കെ.എല്‍ 14ഇ 3205 നമ്പര്‍ ഗജനാന ബസാണ് അപകടംവരുത്തിയത്. സംഭവസ്ഥലത്ത് തന്നെ മരിച്ചിരുന്നു. വിവരമറിഞ്ഞ് പോലീസ് സ്ഥലത്തെത്തി മൃതദേഹം ജനറല്‍ ആശുപത്രിയിലേക്ക് മാറ്റി.