പെരുമ്പാമ്പിനെ കണ്ട് ഓട്ടോ വെട്ടിക്കുന്നതിനിടെ യാത്രക്കാരി പുറത്തേക്ക് തെറിച്ചു വീണുമരിച്ചു

കാസര്‍കോട് (www.evisionnews.co): റോഡില്‍ പെരുമ്പാമ്പിനെ കണ്ട് ഓട്ടോ വെട്ടിക്കുന്നതിനിടയില്‍ യാത്രക്കാരി പുറത്തേക്ക് തെറിച്ചു വീണുമരിച്ചു. ബന്തിയോട് അടുക്കയിലെ മുഹമ്മദിന്റെ ഭാര്യ ആയിഷ (55) ആണ് മരിച്ചത്. വെള്ളിയാഴ്ച വൈകിട്ട് ആറു മണിയോടെ ബന്തിയോടാണ് അപകടം. വൈകിട്ട് ജോലി കഴിഞ്ഞ് ഓട്ടോറിക്ഷയില്‍ വീട്ടിലേക്ക് പോകുംവഴി റോഡില്‍ പെരുമ്പാമ്പിനെ കണ്ട് ഓട്ടോ വെട്ടിക്കാന്‍ ശ്രമിച്ചപ്പോള്‍ ആയിഷ പുറത്തേക്ക് തെറിച്ചുവീഴുകയായിരുന്നു. 

തലയ്ക്ക് ഗുരുതരമായി പരിക്കേറ്റ വീട്ടമ്മയെ ഉടന്‍ തന്നെ ബന്തിയോട്ടെ ആശുപത്രിയിലെത്തിച്ച് പ്രഥമ ശുശ്രൂഷയ്ക്ക് ശേഷം മംഗളൂരു യൂണിറ്റി ആശുപത്രിയിലെത്തിച്ചെങ്കിലും രാത്രിയോടെ മരണം സംഭവിച്ചു. മൈമൂന, സെക്കീന, താഹിറ, സൈബുന്നീസ, മുനീര്‍ എന്നിവര്‍ മക്കളാണ്. മൃതദേഹം മംഗല്‍പ്പാടി ഗവ. ആശുപത്രി മോര്‍ച്ചറിയിലേക്ക് മാറ്റി. ഉപ്പള നയ ബസാറിലെ പ്രമുഖ വ്യവസായിയുടെ വീട്ടിലെ ജോലിക്കാരിയാണ് ആയിഷ.