വിവിയൻ റിച്ചാർഡ്സിനെ കോഹ്‌ലി പിന്നിലാക്കുമോ? ആരാധകർ ഉറ്റുനോക്കുന്നു

കളിച്ചത്​ 10 മാച്ചുകള്‍ അടിച്ചത്​ 4 സെഞ്ച്വറികളും 2 അര്‍ധ സെഞ്ച്വറികളും. ദക്ഷിണാഫ്രിക്കന്‍ പര്യടനത്തി​ലെ  ഇന്ത്യന്‍ നായക​​ന്റെ  പ്രകടനമാണിത്​. മൂന്ന്​ ടെസ്​റ്റുകളും ആറ്​ ഏകദിനങ്ങളും ഒരു ട്വന്‍റി 20യും കളിച്ച്‌​ താരമിതുവരെ സ്വന്തമാക്കിയത്​ 870 റണ്‍സ്​. 1000 തികയാന്‍ 130 റണ്‍സ് മാത്രം​ ബാക്കി. ടൂര്‍ണ മെന്റിൽ ​​ താരത്തി​​ന്റെ  ബാറ്റില്‍ നിന്നും ഇത്​വരെ ഒഴുകിയത്​ ഏഴ്​ സിക്​സും 91 ബൗണ്ടറികളും. 

വെസ്​റ്റ്​ഇന്‍ഡീസ്​ ഇതിഹാസം വിവിയൻ റിച്ചാര്‍ഡ്​സ്​ ആണ്​ ഇതിന്​ മുൻപ് ​ ഒരു വിദേശ ടൂര്‍ണമ​ന്റിൽ  1000 റണ്‍സ്​ സ്​കോര്‍ ചെയ്​തത്​. 1976ലായിരുന്നു താരത്തി​​ന്റെ    റെക്കോര്‍ഡ്​ പ്രകടനം. അന്ന്​ ടെസ്​റ്റില്‍ 829 റണ്‍സും ഏകദിനങ്ങളില്‍ 216 റണ്‍സും നേടി 1045 റണ്‍സുമായായിരുന്നു​ റിച്ചാര്‍ഡ്​സ്​ നാട്ടിലേക്ക്​ മടങ്ങിയത്​.

രണ്ട്​ ട്വന്‍റി20 ബാക്കി നില്‍കെ ​കോഹ്​ലി റിച്ചാര്‍ഡ്​സി​​ന്റെ  ​റെക്കോര്‍ഡ്​ മറികടക്കുമോയെന്നാണ്​ ക്രിക്കറ്റ്​ ലോകം ഉറ്റു നോക്കുന്നത്​. മൂന്ന്​ ടെസ്​റ്റുകളില്‍ നിന്നായി ഒരോ സെഞ്ച്വറിയും അര്‍ധ സെഞ്ച്വറിയും അടക്കം 286 റണ്‍സും ആറ്​ ഏകദിനങ്ങളില്‍ മൂന്ന്​ സെഞ്ച്വറികളും ഒരു അര്‍ധ സെഞ്ച്വറിയുമടക്കം 558 റണ്‍സുമാണ്​ കോഹ്​ലി നേടിയത്​. ​ട്വന്‍റി20 യില്‍ 26 റണ്‍സും ഇന്ത്യന്‍ നായകന്‍ അടിച്ചെടുത്തു.

ആസ്​ത്രലിയന്‍ ഇതിഹാസം ഡോണള്‍ഡ്​ ബ്രാഡ്​മാന്‍ ഇംഗ്ലണ്ട്​ ടൂറില്‍ 974 റണ്‍സെടുത്തിരുന്നു. ഇൗ റെക്കോര്‍ഡ്​ തകരാന്‍ ഇനി കോഹ്​ലിക്ക്​ 74 റണ്‍സ്​ കൂടി മതിയാവും.