പ്രതികൾ ഡമ്മി ആണെന്ന സംശയം ബലപ്പെടുന്നു; അക്രമി സംഘത്തില്‍ ആകാശ് തില്ലങ്കേരി ഇല്ലായിരുന്നെന്ന് ശുഹൈബിന് ഒപ്പം വെട്ടേറ്റ നൗഷാദ്

കണ്ണൂര്‍: (www.evisionnews.co)ഷുഹൈബിനെ വെട്ടിയ സംഘത്തില്‍ ആകാശ് തില്ലങ്കേരി ഇല്ലായിരുന്നെന്ന് ശുഹൈബിനു ഒപ്പം വെട്ടേറ്റ നൗഷാദ്. ആകാശ് തില്ലങ്കരിയെ നേരിട്ടറിയാം, എന്നാല്‍ വന്നയാളുകളില്‍ ഒരാള്‍ക്ക് പോലും ആകാശിന്റെ ശരീരത്തോട് സാദൃശ്യമില്ലായിരുന്നു- നൗഷാദ് വ്യക്തമാക്കി.

മൂന്ന് പേര്‍ ചേര്‍ന്നാണ് ഷുഹൈബിനെ വെട്ടിയത്. വെട്ടിയവര്‍ക്ക് ആകാശിനോളം ആകാരം ഇല്ല. 26-27 വയസ്സുള്ളവര്‍ ആണ് അക്രമികള്‍. ആകാശ് ആ സംഘത്തില്‍ ഇല്ലെന്ന് നൗഷാദ് വ്യക്തമാക്കി. ഷുഹൈബിനെ വെട്ടിയത് പുറകോട്ടു വളഞ്ഞ കനം കൂടിയ വാള്‍ കൊണ്ടാണ്. ഇത്തരം വാള്‍ ഉപയോഗിക്കുന്നത് വെട്ടിമാറ്റണമെന്ന ഉദ്ദേശത്തോടെയാണെന്നും ഇയാള്‍ വ്യക്തമാക്കി.

നേരത്തെ കൊലയാളികള്‍ എത്തിയ വാഹനം തിരിച്ചറിഞ്ഞിരുന്നു. കൊലയാളികളെത്തിയത് വാടകയ്ക്കെടുത്ത രണ്ട് കാറുകളിലാണെന്ന് പൊലീസ് വ്യക്തമാക്കി.