കോഴിക്കോട് (www.evisionnews.co): കാരന്തൂര് മര്ക്കസ് സമ്മേളനത്തിന് പൂര്ണ പിന്തുണ നല്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. കാന്തപുരം എ.പി അബൂബക്കര് മുസ്ലിയാരെ ഒറ്റപ്പെടുത്താന് അനുവദിക്കില്ലെന്നും ലീഗിന്റെയും കോണ്ഗ്രസിന്റെയും സമ്മേളന ബഹിഷ്കരണ നീക്കം മര്ക്കസിനെ തകര്ക്കാനാകില്ലെന്നും കോടിയേരി വ്യക്തമാക്കി.
കഴിഞ്ഞ ദിവസം ആരംഭിച്ച മര്ക്കസ് സമ്മേളനത്തിന്റെ ഭാഗമായി നടന്ന സാംസ്കാരിക സമ്മേളനത്തില് പങ്കെടുത്ത് സംസാരിക്കുകയായിരുന്നു കോടിയേരി. മുന് മുഖ്യമന്ത്രി ഉമ്മന് ചാണ്ടിയെ സമ്മേളനത്തിന് ക്ഷണിച്ചിരുന്നെങ്കിലും ചടങ്ങില് നിന്ന് അദ്ദേഹം വിട്ടുനിന്നു. കാന്തപുരം സുന്നി വിഭാഗം പൂര്ണമായും ഇടത് ചേരിയേലിക്ക് അടുക്കുന്നതാണ് യുഡിഎഫ് നേതാക്കള് മര്ക്കസ് പരിപാടിയില് നിന്ന് വിട്ടുനില്ക്കുന്നതെന്നാണ് സൂചന. ഉമ്മന് ചാണ്ടിക്ക് പുറമെ പ്രതിപക്ഷ നേതാവ് രമേശ് ചെന്നിത്തല ഉള്പ്പടെ പ്രമുഖ യുഡിഎഫ് നേതാക്കള് ആരും സമ്മേളനത്തില് പങ്കെടുത്തിരുന്നില്ല.
അതേസമയം, എല്ഡിഫ്- ബിജെപി നേതാക്കള് സമ്മേളനത്തിന്റെ ഭാഗമായുള്ള പരിപാടികളില് പങ്കെടുത്തിരുന്നു. കോണ്ഗ്രസ് നേതാക്കള് വിട്ടു നിന്നത് ലീഗിന്റെ സമ്മര്ദ്ദത്താല് ആണെന്ന് ആരോപണമുണ്ട്. എന്നാല്, യുഡിഎഫ് നേതാക്കള് ബഹിഷ്കരിച്ചതായി അറിയിയില്ലെന്നും ബഹിഷ്കരണമില്ലെന്നാണ് ഉമ്മന് ചാണ്ടി അറിയിച്ചതെന്നും കാന്തപുരം എപി അബൂബക്കര് മുസ്ലിയാര് പറഞ്ഞതായി റിപ്പോര്ട്ടുകളുണ്ട്.
കൊടിയേരിക്ക് പുറമെ കഴിഞ്ഞ ദിവസം മുഖ്യമന്ത്രി പിണറായി വിജയനും സമ്മേളനത്തിന്റെ ഭാഗമായി എത്തിയിരുന്നു. ഒരു ഇടവേളക്ക് ശേഷമുള്ള കാന്തപുരം എ.പി വിഭാഗത്തിന്റെയും സി.പി.എമ്മിന്റെയും പുതിയ കൂട്ടുകെട്ടാണ് ഇതിലൂടെ ലഭിക്കുന്ന പുതിയസൂചന.
Post a Comment
0 Comments