കൊച്ചി: (www.evisionnews.co)കൊച്ചി തുറുമുഖത്തേക്ക് ഇ-വേസ്റ്റ് ഇറക്കുമതി ചെയ്ത കേസില് ഉന്നത കസ്റ്റംസ് ഉദ്യോഗസ്ഥരെ പ്രതികളാക്കി സിബിഐ കേസ് രജിസ്റ്റര് ചെയ്തു. കൊച്ചി അസിസ്റ്റന്റ് കമ്മിഷണര് ജിമ്മി ജോസഫ്, കസ്റ്റംസ് കമ്മിഷണര് ആര്.രതീഷ്, മറ്റൊരു ഉന്നത ഉദ്യോഗസ്ഥന് എന്നിവരെ പ്രതികളാക്കിയാണ് സിബിഐ കേസ് രജിസ്റ്റര് ചെയ്തിട്ടുള്ളത്. ഇവരടക്കം എട്ടു പേരാണ് കേസിലെ പ്രതികള്.
കൊച്ചി തുറമുഖത്തേക്കു മാലിന്യങ്ങള് ഇറക്കുമതി ചെയ്ത കോല്ക്കത്ത കന്പനിയുടെ എംഡി കേദന് കാംതാറിനെയും പ്രതിപ്പട്ടികയില് ഉള്പ്പെടുത്തിയാണ് സിബിഐ കേസെടുത്തത്. ക്രിമിനല് ഗൂഢാലോചന, വഞ്ചന, തെറ്റിദ്ധരിപ്പിക്കല് എന്നീ കുറ്റങ്ങള് പ്രതികള്ക്കെതിരേ ചുമത്തി. ഇറക്കുമതി ചെയ്ത മാലിന്യങ്ങള് ഉപയോഗപ്രദമാണെന്നു സാക്ഷ്യപ്പെടുത്തിയാണ് കസ്റ്റംസ് ഉദ്യോഗസ്ഥര് ഇറക്കുമതിക്ക് അനുമതി നല്കിയത്. ഈ ഉദ്യോഗസ്ഥരുടെയും കോല്ക്കത്തയിലെ കന്പനിയുടെയും ഓഫീസുകളില് സിബിഐ റെയ്ഡ് നടത്തിയിരുന്നു. ഇതിനു പിന്നാലെയാണ് കേസ് രജിസ്റ്റര് ചെയ്തത്.
അമേരിക്ക, ജര്മനി തുടങ്ങിയ രാജ്യങ്ങള് ഉപയോഗിച്ച് തള്ളിയ ഫോട്ടോ കോപ്പി ഉപകരണങ്ങളാണ് കന്പനികള് കൊച്ചിയിലേക്ക് ഇറക്കുമതി ചെയ്തത്. വിദേശത്തുനിന്ന് കേടായ ഇലക്ട്രോണിക് ഉപകരണങ്ങള് കൊച്ചിയിലെത്തിച്ചതിന് കഴിഞ്ഞ മൂന്നു വര്ഷത്തിനിടെ 100 കോടിയിലധികം രൂപയുടെ ഇടപാട് നടത്തിയതായി കസ്റ്റംസ് റിപ്പോര്ട്ട് നല്കിയിരുന്നു. 2014-15-16 കാലയളവില് ആറു കോല്ക്കത്ത കന്പനികള് മാത്രം 100 കോടിയിലധികം രൂപയുടെ ഇറക്കുമതി നടത്തിയതായും കസ്റ്റംസ് കമ്മിഷണറുടെ റിപ്പോര്ട്ടില് പറയുന്നു.
ഇ-വേസ്റ്റ് ഇറക്കുമതി വിവാദമായതോടെ തുറുമുഖത്ത് ഇറക്കിയിരിക്കുന്ന മാലിന്യശേഖരം തിരിച്ചയക്കാന് സംസ്ഥാന മലിനീകരണ നിയന്ത്രണ ബോര്ഡ് കൊച്ചി കസ്റ്റംസ് കമ്മിഷണര്ക്ക് നിര്ദ്ദേശം നല്കിയിരുന്നു. ഇതിനെതിരേ കന്പനികള് കോടതിയെ സമീപിച്ച് അനുകൂല വിധി സന്പാദിക്കുകയുണ്ടയി.
Dailyhunt
Post a Comment
0 Comments