ന്യൂഡല്ഹി: തിയേറ്ററുകളില് സിനിമ തുടങ്ങുന്നതിന് മുമ്പ് ദേശീയ ഗാനം കേള്പ്പിക്കണമെന്ന ചട്ടത്തില് കേന്ദ്രത്തിന് നിലപാട് മാറ്റം. ഇതുമായി ബന്ധപ്പെട്ട് പുതിയ ചട്ടങ്ങള് രൂപീകരിക്കാന് മന്ത്രിതല സമിതി രൂപവത്കരിച്ചിട്ടുണ്ടെന്ന് കേന്ദ്ര സര്ക്കാര് സുപ്രീംകോടതിയെ അറിയിച്ചു. ഇതിനായി ആറുമാസം വേണ്ടി വരുമെന്നും കേന്ദ്രം സത്യവാങ് മൂലം നല്കി. ദേശീയ ഗാന വിഷയം ചീഫ് ജസ്റ്റിസ് ദീപക് മിശ്ര തലവനായ ബെഞ്ച് ചൊവ്വാഴ്ച പരിഗണിക്കാനിരിക്കെയാണ് കേന്ദ്രത്തിന്റെ സത്യവാങ് മൂലം.
2016 നവംബര് 30-നാണ് രാജ്യത്തെ തീയേറ്ററുകളില് സിനിമ തുടങ്ങുന്നതിന് മുമ്പ് ദേശീയ ഗാനം കേള്പ്പിക്കണമെന്നും ആദരവ് പ്രകടിപ്പിച്ച് കൊണ്ട് സിനിമ കാണാനെത്തിയവര് എല്ലാവരും എഴുന്നേറ്റ് നില്ക്കണമെന്നുമുള്ള ഉത്തരവ് സുപ്രീംകോടതി പുറപ്പെടുവുപ്പിച്ചത്.
ജസ്റ്റിസ് ദീപക് മിശ്ര തന്നെ തലവനായ മൂന്നംഗ ബെഞ്ചിന്റേതായിരുന്നു ഉത്തരവ്. ഇതിനെതിരെ വ്യാപക പ്രതിഷേധ ഉയര്ന്നിരുന്നെങ്കിലും ഉത്തരവ് റദ്ദാക്കാന് സുപ്രീംകോടതി വിസമ്മതിച്ചിരുന്നു.
ധനകാര്യ മന്ത്രാലയത്തിലെ അഡീഷണല് സെക്രട്ടറിയാകും കേന്ദ്ര നിയോഗിക്കുന്ന മന്ത്രിതല കമ്മറ്റിയുടെ തലവന്.
Post a Comment
0 Comments