കാസര്‍കോട് (www.evisionnews.co): ബ്ലൈസ് തളങ്കരയുടെ ആഭിമുഖ്യത്തില്‍ കുട്ടിത്താരങ്ങള്‍ക്ക് വേണ്ടിയുള്ള സബ്ജൂനിയര്‍ ഫുട്‌ബോള്‍ കോച്ചിംഗ് ക്യാമ്പ് തളങ്കര മുസ്ലിം ഹൈസ്‌കൂള്‍ ഗ്രൗണ്ടില്‍ ആരംഭിച്ചു. ശനിയാഴ്ച പുലര്‍ച്ചെ നടന്ന ആദ്യദിവസത്തെ ക്യാമ്പില്‍ ഇരുപത്തഞ്ചോളം താരങ്ങള്‍ പങ്കെടുത്തു. ഡിസംബര്‍ 31 വരെയാണ് ക്യാമ്പ് സംഘടിപ്പിക്കുന്നത്.
കോച്ചിംഗ് ക്യാമ്പ് കേരളാ ഫുട്‌ബോള്‍ അസോസിയേഷന്‍ എക്‌സിക്യൂട്ടീവ് അംഗം ഹാരിസ് കെ.എം ഉദ്ഘാടനം ചെയ്തു. ബ്ലൈസ് തളങ്കര പ്രസിഡന്റ് നൗഫല്‍ തായല്‍ അദ്ധ്യക്ഷത വഹിച്ചു. യൂത്ത് വെല്‍ഫയര്‍ ബോര്‍ഡ് കോര്‍ഡിനേറ്റര്‍ സഹീര്‍ ആസിഫ് മുഖ്യാതിഥിയായിരുന്നു. ജില്ലാ ഫുട്‌ബോള്‍ അസോസിയേഷന്‍ സെക്രട്ടറിയും ബ്ലൈസ് തളങ്കര ജനറല്‍ സെക്രട്ടറിയുമായ സിദ്ദീഖ് ചക്കര, പച്ചു ഫോര്‍ യു, സിദ്ദീഖ് ടാം, അഷ്ഫാദ്, നിസു സ്റ്റോണി, അനസ് കണ്ടത്തില്‍ തുടങ്ങിയവര്‍ സംബന്ധിച്ചു. ബ്ലൈസ് ഇന്റര്‍നാഷണല്‍ പ്രസിഡന്റ് ഹസന്‍കുട്ടി പതിക്കുന്നില്‍ സ്വാഗതവും ബ്ലൈസ് തളങ്കര ട്രഷറര്‍ സുബൈര്‍ യുഎ നന്ദിയും പറഞ്ഞു. ചിത്തരാജ് കാലിക്കടവ്, ഷഹീര്‍ ചൂരി എന്നിവരാണ് ക്യാമ്പിന് നേതൃത്വം നല്‍കുന്നത്.
Post a Comment
0 Comments