അയ്യപ്പ ഭക്തര്‍ സഞ്ചരിച്ച വാഹനമിടിച്ച് മത്സ്യത്തൊഴിലാളി മരിച്ചു

കാഞ്ഞങ്ങാട് (www.evisionnews.co): അയ്യപ്പഭക്തര്‍ സഞ്ചരിച്ച വാഹനമിടിച്ച് മത്സ്യത്തൊഴിലാളി മരിച്ചു. കോട്ടിക്കുളം ബീച്ച് റോഡിലെ പരേതനായ ശങ്കരന്റെ മകന്‍ രമേശനാ (38)ണ് മരിച്ചത്. ഞായറാഴ്ച രാത്രി ഏഴരമണിയോടെയാണ് അപകടം. റോഡ് മുറിച്ചുകടക്കുന്നതിനിടെ കര്‍ണാടകയില്‍ നിന്നുള്ള ശബരിമല തീര്‍ത്ഥാടകര്‍ സഞ്ചരിച്ചിരുന്ന വാഹനം ഇടിക്കുകയായിരുന്നു. ഇടിയുടെ ആഘാതത്തില്‍ തെറിച്ചുവീണ രമേശനെ അതേ വാഹനത്തില്‍ തന്ന കാഞ്ഞങ്ങാട്ടെ ആശുപത്രിയില്‍ എത്തിച്ചെങ്കിലും മരിക്കുകയായിരുന്നു. മാതാവ്: രാജീവി. ഭാര്യ ചന്ദ്രാവതി. ഗോപി, ശര്‍മിള, രമ സഹോദരങ്ങളാണ്.