കാസർകോട് :(www.evisionnews.co)ബന്തിയോട്ട് ലോറിക്ക് നേരെ കല്ലേറ് നടത്തിയ മൂന്ന് യുവാക്കള് അറസ്റ്റില്.ബന്തിയോട് കോളനിയിലെ ധീരജ് (24), മധു (20), കൃഷ്ണന് (19) എന്നിവരെയാണ് കുമ്ബള അഡീഷണല് എസ് ഐ പി വി ശിവദാസന്റെ നേതൃത്വത്തില് പിടികൂടിയത്. കഴിഞ്ഞ ദിവസം അര്ധരാത്രി ബന്തിയോട് റോഡരികില് കണ്ട രണ്ടുപേരെ പോലീസ് ഡ്രൈവർ ചോദ്യം ചെയ്തിരുന്നു. തേപ്പുപണിക്കാരാണെന്നും വീട്ടിലേക്ക് പോവുകയാണെന്നുമാണ് ഇരുവരും പറഞ്ഞത്. രണ്ട് പേരുടെയും ഫോട്ടോ ഡ്രൈവർ തന്റെ മൊബൈല് ഫോണില് പകര്ത്തിയിരുന്നു. പുലര്ച്ചെ നാലു മണിയോടെയാണ് ബന്തിയോട്ട് വെച്ച് കല്ലേറുണ്ടായത്. വിവരമറിഞ്ഞ് പോലീസ് സ്ഥലത്തെത്തി.
കല്ലേറ് നടത്തിയവരെ കണ്ടാല് തിരിച്ചറിയുമെന്ന് ലോറി ഡ്രൈവർ പറഞ്ഞതോടെ പോലീസ് ഡ്രൈവർ താന് നേരത്തെ ഫോണില് പകര്ത്തിയവരുടെ ചിത്രങ്ങള് കാണിച്ചുകൊടുത്തു. ഇവര് തന്നെയാണ് കല്ലേറ് നടത്തിയതെന്ന് ലോറി ഡ്രൈവർ പറഞ്ഞതോടെ പോലീസ് ഇവരെ തേടിയിറങ്ങി. ഇതിനിടെ കല്ലേറ് നടത്തിമടങ്ങുന്നതിനിടെ പ്രതികള് ഉപേക്ഷിച്ച ബൈക്ക് കണ്ടെടുത്തു. നാട്ടുകാരുടെ സഹായത്തോടെയാണ് പ്രതികളെ തിരിച്ചറിഞ്ഞത്. സംഘത്തിലെ ഏതാനും പേര് കൂടി പിടിയിലാകാനുണ്ടെന്ന് പോലീസ് പറഞ്ഞു.പോലീസ് ഡ്രൈവറുടെ അവസരോചിതമായ ഇടപെടലാണ് പ്രതികളെ കുടുക്കിയത് .
Post a Comment
0 Comments