എരിയാൽ :(www.evisionnews.co)പുതുക്കിയ റേഷൻ കാർഡ്‌ വിതരണവുമായി ബന്ധപ്പെട്ട്‌ കാർഡ്‌ വിതരണ കേന്ദ്രത്തിലെ യൂത്ത്‌ ലീഗ്‌ പ്രവർത്തകരുടെ സേവനം കാർഡ്‌ വാങ്ങാൻ എത്തിയവർക്കും വിതരണക്കർക്കും ഒരുപോലെ അനുഗ്രഹമായി.
എരിയാലിലെ 61 നമ്പർ റേഷൻ ഷോപ്പിലെ ഉപഭോക്താക്കളുടെ പുതുക്കിയ കാർഡുകളാണ്‌ വിതരണം ചെയ്തത്‌.രാവിലെ എട്ട്‌ മണിക്ക്‌ മുമ്പ്‌ തന്നെ റേഷൻ കടക്ക്‌ മുമ്പിൽ സ്ത്രീകൾ അടക്കം നിരവധി പേർ എത്തിയിരുന്നു ആൾകൂട്ടം മൂലം ഉണ്ടാകുന്ന തിക്കും തിരക്കും സപ്ലൈ ഓഫീസ് ഉദ്യോഗസ്ഥർക്കും റേഷൻ ഷോപ്പ്‌ ജീവനക്കാർക്കും ഉണ്ടായേക്കാവുന്ന വിഷമങ്ങൾ കണ്ടറിഞ്ഞ്‌ എരിയാൽ മേഖലാ മുസ്ലിം യൂത്ത്‌ ലീഗ്‌ പ്രവർത്തകർ സഹായവുമായി രംഗത്തെത്തിയത്‌.
കാർഡ്‌ വങ്ങാൻ എത്തിയവരെ തിക്കും തിരക്കുമില്ലാതെ വരി വരിയായി അകത്ത്‌ കടത്തുന്നതിനും കാർഡുമായി ബന്ധപ്പെട്ട്‌ അവർക്ക്‌ ആവശ്യമായ നിർദ്ദേശങ്ങൾ നൽകുന്നതിന്നും വിതരണ കൗണ്ടറിനകത്ത്‌ കൃത്യമായി ക്രമ നമ്പർ അനുസരിച്ച്‌ കാർഡുകൾ എത്തിക്കുന്നതിന്നും അവ രജിസ്റ്ററിൽ രേഖപ്പെടുത്തുന്നതിന്നും എല്ലാം യൂത്ത്‌ ലീഗ്‌ പ്രവർത്തകരുടെ സാന്നിദ്ധ്യം കൊണ്ട്‌ ശ്രദ്ധേയമായി.സഹായവുമായി രംഗത്തെത്തിയ യൂത്ത്‌ ലീഗ്‌ പ്രവർത്തകരെ പ്രശംസിച്ചിട്ടാണ്‌ ഉദ്യോഗസ്ഥർ മടങ്ങിയത്‌.
Post a Comment
0 Comments