ഉദുമ (www.evisionnews.co): ഉദുമ എഡ്യുക്കേഷണല്‍ ട്രസ്റ്റ് ഏര്‍പ്പെടുത്തിയ ബി.കെ. മാസ്റ്റര്‍ മെമ്മോറിയല്‍ അവാര്‍ഡ് വിദ്യാഭ്യാസ മേഖലയിലെ ബഹുമുഖപ്രതിഭകളായ ഹരേക്കല ഹജ്ജബ്ബ, സരോജിനി ഭായി എന്നിവര്‍ക്ക് സമര്‍പ്പിച്ചു. ഗ്രീന്‍വുഡ്‌സ് സ്‌കൂളില്‍ നടന്ന ചടങ്ങില്‍ പി. കരുണാകരന്‍ എം.പി അവാര്‍ഡ് നല്‍കി. ബി.കെ മാസ്റ്ററുടെയും അവാര്‍ഡ് സ്വീകര്‍ത്താക്കളുടെയും ജീവിതത്തിന്റെ ഒരേട് പവര്‍ പോയിന്റ് അവതരണത്തിലൂടെ കാണികള്‍ക്കായി പ്രദര്‍ശിപ്പിച്ചു.
വിശിഷ്ടാതിഥികളെ സ്‌കൂള്‍ മാനേജുമെന്റും പി.ടി.എ അംഗങ്ങളും സ്റ്റാഫും ചേര്‍ന്ന ബാന്റിന്റെയും, സ്‌കൗട്ട് ആന്റ് ഗെയിഡ്‌സ് വിദ്യാര്‍ത്ഥികളുടെയും അകമ്പടിയോടുകൂടി സ്വാഗതം ചെയ്തു. വിദ്യാര്‍ത്ഥികളുടെ സംഘനൃത്തത്തിലൂടെയാണ് പരിപാടികള്‍ക്ക് തുടക്കം കുറിച്ചത്. സ്‌കൂള്‍ എം.ഡി അസീസ് ഹാജി അക്കര അധ്യക്ഷത വഹിച്ചു. പ്രിന്‍സിപ്പല്‍ ഗണേശ് കട്ടയാട്ട് സ്വാഗതം പറഞ്ഞു. പി.ടി.എ പ്രസിഡണ്ട് ജംഷീദ്, സ്‌കൂള്‍ ഹെഡ്‌ഗേള്‍ ആയിഷത്ത് മഷ്‌റൂറ സംസാരിച്ചു.
Keywords: Kasaragod, news, uduma, eduacational-bk-master-award
Post a Comment
0 Comments