മാവുങ്കാലിൽ എ.ടി.എം കവര്‍ച്ചാ ശ്രമം; വീഡിയോ ദൃശ്യങ്ങള്‍ പോലീസ് പരിശോധിച്ചു

കാഞ്ഞങ്ങാട്:(www.evisionnews.co)മാവുങ്കാലിൽ എ.ടി.എം കവര്‍ച്ചാ ശ്രമം. വീഡിയോ ദൃശ്യങ്ങള്‍ പോലീസ് പരിശോധിച്ചു.ഇന്നലെ രാവിലെ സിണ്ടിക്കേറ്റ് ബാങ്കിന്റെ എ.ടി.എമ്മിലാണ് രണ്ടുപേര്‍ കവര്‍ച്ചാശ്രമം നടത്തിയത്. പുലര്‍ച്ചെ 4.18നാണ് ചുവന്ന ഷര്‍ട്ടും കറുത്ത പാന്റ്‌സും ധരിച്ച തോര്‍ത്തുമുണ്ട് കൊണ്ട് മുഖം മറച്ച യുവാവ് അകത്തുകടക്കുന്നത്. ഒരു മിനുട്ട് കഴിഞ്ഞ് നീല സഫാരി ധരിച്ച മറ്റൊരാളും കടന്നുവരുന്നുണ്ട്. പിന്നീട് രണ്ടുപേരും പുറത്തേക്ക് പോകുന്നുണ്ട്. അല്‍പസമയത്തിനകം ആദ്യം വന്ന യുവാവ് ഒരു ഇരുമ്പ് ദണ്ഡുമായി അകത്തേക്ക് വീണ്ടും വരുന്നു. നേരെ ഒരു വശത്തേക്ക് പോയി ക്യാമറ തല്ലിയുടക്കുന്നുണ്ട്. ക്യാമറയുടെ ഭാഗങ്ങള്‍ മുന്‍ഭാഗത്തേക്ക് തെറിച്ചുവീഴുന്നതും ദൃശ്യത്തില്‍ വ്യക്തമായി കാണുന്നുണ്ട്. എന്നാല്‍ പൊലീസ് വാഹനം ഈ സമയത്ത് ഇതുവഴി പോയതായി സംശയം തോന്നിയ സംഘം ശ്രമം ഉപേക്ഷിച്ചതാകാമെന്നാണ് കരുതുന്നത്.