തിരുവനന്തപുരം:(www.evisionnews.co) വര്ഗീയതയ്ക്കും അഴിമതിക്കുമെതിരെ ശക്തമായി നിലക്കൊണ്ട മാധ്യമ പ്രവര്ത്തക ഗൗരി ലങ്കേഷിനെ വെടിവെച്ചു കൊന്നു എന്ന വാര്ത്ത ഞെട്ടിക്കുന്നതാണെന്ന് മുഖ്യമന്ത്രി പിണറായി വിജയന്. ഫേസ്ബുക്ക് പോസ്റ്റിലൂടെയാണ് മുഖ്യമന്ത്രി ഗൗരി ലങ്കേഷിന്റെ മരണത്തില് നടുക്ക് രേഖപ്പെടുത്തിയത്. കര്ണ്ണാടകത്തില് പുരോഗമന മതനിരപേക്ഷ ചിന്തകള് ശക്തി പ്രാപിക്കുന്ന ഘട്ടത്തിലാണ്, കലബുര്ഗിയെ കൊന്ന രീതിയില് ഗൗരി ലങ്കേഷിന്റെ ജീവനെടുത്തത്. കൊലയാളികളെയും അവരുടെ ഉദ്ദേശ്യത്തെയും ജനങ്ങള്ക്കും നിയമത്തിനും മുന്നില് കൊണ്ടുവരാന് കര്ണാടക സര്ക്കാരിന് എത്രയും വേഗം കഴിയും എന്ന് പ്രത്യാശിക്കുന്നു. മതനിരപേക്ഷതയില് അടിയുറച്ച് വിശ്വസിക്കുകയും നിര്ഭയം മാധ്യമ പ്രവര്ത്തനം നടത്തുകയും ചെയ്ത ഗൗരി ലങ്കേഷിന്റെ വിയോഗത്തില് അതിയായ ദു:ഖം രേഖപ്പെടുത്തുന്നു.
Post a Comment
0 Comments