തിരുവനന്തപുരം:(www.evisionnews.co) പ്രമാദമായ ഹാദിയ കേസ് അന്വേഷണം സംബന്ധിച്ച് കേരളാ പൊലീസിനോട് ദേശീയ അന്വേഷണ ഏജൻസി (എന്.ഐ.എ) വിശദാംശങ്ങൾ തേടി. എന്.ഐ.എയുടെ കേരളാ ഘടകം സംസ്ഥാന ഡി.ജി.പിയുടെ ഒാഫീസിനോടാണ് വിശദാംശങ്ങൾ ആരാഞ്ഞത്. ഹാദിയ കേസ് എന്.ഐ.എ അന്വേഷിക്കണമെന്ന സുപ്രീംകോടതിയുടെ ഉത്തരവിന് പിന്നാലെയാണ് അന്വേഷണ സംഘത്തിന്റെ നടപടി.ഹാദിയ മതം മാറിയത് സംബന്ധിച്ച വിശദാംശങ്ങളാണ് എൻ.ഐ.എ തേടിയതെന്നാണ് ലഭിക്കുന്ന വിവരം. മുമ്പ് ഹാദിയ അയച്ച ശബ്ദ സംഭാഷണത്തിൽ താൻ സിറിയയിലേക്ക് പോകാൻ തയാറെടുക്കുകയാണെന്ന് പറഞ്ഞതായി പിതാവ് അശോകൻ നൽകിയ ഹരജിയിൽ ചൂണ്ടിക്കാട്ടിയിരുന്നു. ഇതാണ് മതംമാറ്റത്തെ കുറിച്ച് വിവരങ്ങൾ ആരായാൻ വഴിവെച്ചത്.സുപ്രീംകോടതിയിൽ നിന്ന് വിരമിച്ച ജസ്റ്റിസ് ആർ.വി. രവീന്ദ്രന്റെ മേല്നോട്ടത്തിൽ എൻ.െഎ.എ കേസ് അന്വേഷിക്കാനാണ് ചീഫ് ജസ്റ്റിസ് ജെ.എസ്. ഖെഹാർ, ഡി.വൈ. ചന്ദ്രചൂഡ് എന്നിവരടങ്ങുന്ന ബെഞ്ച് ബുധനാഴ്ച നിർദേശിച്ചത്. വിവാഹം റദ്ദ് ചെയ്ത ഹൈകോടതി വിധിക്കെതിരെയും ഹാദിയയെ വിട്ടുകിട്ടണമെന്ന് ആവശ്യപ്പെട്ടും ഭർത്താവ് െഷഫിൻ ജഹാൻ നൽകിയ ഹരജിയിലാണ് സുപ്രീംകോടതി വിധി. കേസിൽ പ്രത്യേക അന്വേഷണം വേണമെന്ന കേന്ദ്ര സര്ക്കാറിന്റെ അപേക്ഷ പരിഗണിച്ചു കൂടിയാണ് കോടതി നടപടി.
Post a Comment
0 Comments