തൃക്കരിപ്പൂര്‍ (www.evisionnews.in): എസ്.ബി.ടിയുടെ എ.ടി.എം പ്രവര്‍ത്തിക്കുന്നില്ലെന്ന് പരാതി. തങ്കയം പ്ലാറ്റിനം ഫ്യൂവല്‍സിന് സമീപത്തുള്ള എ.ടി.എമ്മാണ് ഒന്നര മാസത്തോളമായി പ്രവര്‍ത്തിക്കാതെ കിടക്കുന്നത്. ഇത് കാരണം ബാങ്ക് ദായകര്‍ വിഷമിക്കുകയാണ്. എസ്.ബി.ഐയും,എസ്.ബി.ടിയും തമ്മിലുള്ള ലയനത്തിന് ശേഷം ഇതേ വരെ ഈ എ.ടി.എം പ്രവര്‍ത്തിച്ചിട്ടില്ല.നാട്ടുകാര്‍ക്കും പെട്രോള്‍ പമ്പില്‍ വരുന്ന ജനങ്ങള്‍ക്കും ഏറെ ഉപകാരപ്രദമായ എ.ടി.എം പ്രവര്‍ത്തിക്കാത്തതിനാല്‍ നാട്ടുകാര്‍ ഇപ്പോള്‍ വലിയ അമര്‍ഷത്തിലാണ്. ഇതുപോലെ തൃക്കരിപ്പൂര്‍ ടൗണിലുള്ള എസ്.ബി.ടിയുടെ എ.ടി.എമ്മിന്റെ പ്രവര്‍ത്തനം നിലച്ചിട്ടും നാളുകള്‍ ഏറെയായി. രണ്ടു ബാങ്കുകളുടെയും ലയനത്തോടെ എ.ടി.എം മെഷീനില്‍ ഘടിപ്പിക്കേണ്ട സോഫ്റ്റ്വെയറില്‍ മാറ്റം വരുത്തികിട്ടാത്തതാണ് പ്രശ്‌നമെന്നാണ് ബാങ്ക് അധികൃതരുടെ വിശദീകരണം.
Post a Comment
0 Comments