മൊഗ്രാൽ പുത്തൂരിൽ കഞ്ചാവ് സംഘത്തിന്റെ അക്രമണം: പള്ളി സെക്രട്ടറിക്ക് വെട്ടേറ്റു

മൊഗ്രാൽപുത്തൂർ: (www.evisionnews.in) മൊഗ്രാൽപുത്തൂരിൽ കടയിൽ കയറി മൊഗ്രാൽപുത്തൂർ ജമാ അത്ത്  സെക്രട്ടറിയും യൂത്ത് ലീഗ് നേതാവുമായ ഇബ്രാഹിം പടിഞ്ഞാറിനെ  (36) ഒരു സംഘം ആക്രമിച്ചു.വെട്ടേറ്റ്

ഗുരുതരമായ പരിക്കേറ്റതിനെ തുടർന്ന് ഇദ്ദേഹത്തെ തീവ്രപരിചരണ വിഭാഗത്തിൽ പ്രവേശിപ്പിച്ചു.മൊഗ്രാൽപുത്തൂർ ടൗണിലും സ്ക്കൂൾ പരിസരത്തും ചില സംഘങ്ങൾ കഞ്ചാവ് വിൽപന നടത്തുന്നതിനെ ചോദ്യം ചെയ്യുകയും പരാതി നൽകുകയും ചെയ്തിരുന്നു. ഇതിൽ പ്രകോപിതരായ സംഘമാണ് അക്രമത്തിന് പിന്നിലെന്ന്  നാട്ടുകാർ പറഞ്ഞു.

സംഭവത്തിൽ പ്രതിഷേധിച്ച് ഇന്ന് (ഞായർ) വൈകിട്ട് മൊഗ്രാൽപുത്തൂരിൽ പ്രതിഷേധ പ്രകടനം നടത്തുമെന്ന് യൂത്ത് ലീഗ് പഞ്ചായത്ത് ജന. സെക്രട്ടറി ജീലാനി കല്ലങ്കൈ പറഞ്ഞു.മൊഗ്രാൽപുത്തൂർ ടൗണിൽ 

പ്രവർത്തിക്കുന്ന  കൊലക്കേസ് പ്രതികളടക്കമുള്ള കഞ്ചാവ് മാഫിയ സംഘത്തെ അമർച്ച ചെയ്യാൻ പോലിസ് മുന്നോട്ട് വന്നില്ലെങ്കിൽ ജനകീയമായി നേരിടുമെന്നും ജീലാനി പറഞ്ഞു