ഉദുമ (www.evisionnews.in): കരിപ്പോടി കണിയംപാടിയില്‍ നിന്ന് കാണാതായ ബിരുദാനന്തര ബിരുദ വിദ്യാര്‍ത്ഥിനി ആതിരയെ (23) കണ്ടെത്താനായി പോലീസ് നോട്ടീസ് പുറത്തിറക്കി. മുഴുവന്‍ പോലീസ് സ്റ്റേഷനിലേക്കും നോട്ടീസ് കൈമാറിയിട്ടുണ്ട്. പ്രധാന നഗരങ്ങളിലും റെയില്‍വേ സ്റ്റേഷനുകളിലും നോട്ടീസ് പതിച്ചിട്ടുണ്ട്. അതേസമയം മൊബൈല്‍ കേന്ദ്രീകരിച്ച അന്വേഷണത്തില്‍ യുവതി പാലക്കാട്ടുള്ളതായും പോലീസിന് വിവരം ലഭിച്ചിട്ടുണ്ട്. ഇതു സംബന്ധിച്ച് അന്വേഷണം നടത്തിവരികയാണ്.
ഇക്കഴിഞ്ഞ തിങ്കളാഴ്ച രാവിലെ മുതലാണ് ആതിരയെ കാണാതായത്. മത പഠനത്തിന് പോകുന്നുവെന്ന് അറിയിച്ചു കൊണ്ടുള്ള പതിനഞ്ച് പേജുള്ള കത്ത് എഴുതി വെച്ചാണ് ആതിര വീട്ടില്‍ നിന്നും ഇറങ്ങിയത്. ആശുപത്രിയില്‍ പോകുന്നുവെന്നു പറഞ്ഞാണ് യുവതി വീട്ടില്‍ നിന്നിറങ്ങിയത്. ബേക്കല്‍ സി.ഐ വിശ്വംഭരന്റെ നേതൃത്വത്തിലാണ് അന്വേഷണം നടക്കുന്നത്. സൈബര്‍ സെല്ലിന്റെ സഹായവും പോലീസ് തേടിയിട്ടുണ്ട്. യുവതിയെ കുറിച്ച് എന്തെങ്കിലും വിവരം ലഭിക്കുന്നവര്‍ 04672236224, 9497964323, 9497980916 എന്നീ നമ്പറുകളില്‍ അറിയിക്കണമെന്ന് പോലീസ് അറിയിച്ചു.
Post a Comment
0 Comments