പറമ്പിലെ ജോലിക്കിടെ ഓല തലയില്‍ വീണ് യുവതിക്ക് പരിക്ക്

തൃക്കരിപ്പൂര്‍ (www.evisionnews.in): പറമ്പില്‍ ജോലിയെടുക്കുന്നതിനിടെ ഓല തലയില്‍ വീണ് തൊഴിലുറപ്പ് ജോലിക്കാരിക്ക് പരിക്കേറ്റു. വലിയപറമ്പിലെ കെ പുഷ്പ (40)യ്ക്കാണ് പരിക്കേറ്റത്. ശനിയാഴ്ച വൈകിട്ട് പഞ്ചായത്തിലെ ഏഴാംവാര്‍ഡില്‍ തെങ്ങിന്റെ തൊണ്ടുകളും മറ്റും നീക്കുന്നതിനിടെ തെങ്ങില്‍ നിന്ന് ഓല തലയില്‍ വീണാണ് പരിക്കേറ്റത്. സാരമായി പരിക്കേറ്റ പുഷ്പയെ ആശുപത്രിയില്‍ പ്രവേശിപ്പിച്ചു. തലക്ക് മുറിവേറ്റതിനാല്‍ തുന്നിക്കെട്ടുണ്ട്.