കണ്ണൂര്‍ (www.evisionnews.in): കെ.എസ്.ആര്‍.ടി.സി ബസിനുള്ളിലേക്ക് കമ്പി തുളച്ചുകയറി യാത്രക്കാരി മരിച്ചു. ചെമ്പേരി സ്വദേശി ഇലവുങ്കല്‍ ത്രേ്യസ്യാമ്മ (55)യാണ് ദാരുണമായി മരിച്ചത്. ബുധനാഴ്ച രാവിലെ തളിപ്പറമ്പ് ടഗോര്‍ സ്‌കൂളിന് മുന്നിലാണ് അപകടം. പാലായിലേക്ക് പോവുകയായിരുന്ന കെ.എസ്.ആര്‍.ടി.സി ബസ് എതിരെ വന്ന ലോറിയെയും റോഡിലെ പശുക്കളെയും ഇടിക്കാതിരിക്കാന്‍ വെട്ടിച്ചപ്പോള്‍ റോഡരികിലെ കടയുടെ മുന്നില്‍ സ്ഥാപിച്ച സണ്‍ഷേഡിന്റെ കമ്പി ബസിലേക്ക് തുളച്ചു കയറുകയായിരുന്നു. ബസിന്റെ ഷട്ടര്‍ തുളച്ച് അകത്തിരുന്ന ത്രേസ്യാമ്മയുടെ കഴുത്തിലാണ് ഇരുമ്പ് കമ്പി തുളഞ്ഞുകയറിയത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും മരിച്ചിരുന്നു.
Post a Comment
0 Comments